Leikskólinn Maríuborg – kennslustofur, hönnun, smíði og lóðarfrágangur

Framkvæmd felur í sér hönnun, smíði, flutning og uppsetningu tveggja kennslustofa ásamt tengibyggingu við leikskólann Maríuborg. Verkefnið nær einnig til hönnunar og framkvæmdar jarðvinnu, gerðar undirstaða og lagningar allra lagna í grunni. Að auki felur verkið í sér lóðarvinnu, lagningu og tengingu stofnlagna við viðeigandi kerfi samkvæmt fyrirliggjandi hönnun.

Kennslustofurnar eru hver um sig 14,9m x 6,4m eða um 96m² á einni hæð ásamt tengibyggingu, um 40m². Samtals er því nýja húsnæðið um 232m² að stærð. Kennslustofurnar skulu vera byggðar úr timbri. Hverja kennslustofu á að vera hægt að flytja í heilu lagi, setja niður á lóð leikskólans og tengja saman með tengibyggingu.

Verkið felur í sér eftirfarandi verkþætti: 
• Hönnun og smíði tveggja kennslustofa og tengibyggingar við leikskólann, þar með talið jarðvinnu og gerð undirstaða fyrir kennslustofurnar (alverktaka). 
• Lóðarfrágang á tengdum svæðum samkvæmt fyrirliggjandi hönnun. 
• Lagningu stofnlagna fyrir kennslustofur ásamt tengingu við viðeigandi kerfi samkvæmt fyrirliggjandi hönnun. 

Áætlað er að tilkoma kennslustofanna geti fjölgað börnum við leikskólann um 22.