Leikskólinn Hulduheimar - viðbygging
Ljósmyndir
Hvað verður gert?
Verkið felst í að steypa upp, einangra og klæða að utan alls 265m2 viðbyggingu við leikskólann Hulduheima. Lögð er áhersla á að láta nýja viðbyggingu falla vel að núverandi byggingu þannig þær myndi eina heild. Framkvæmdaáætlun miðast að því að full starfsemi verði áfram í núverandi húsnæði leikskólans á meðan framkvæmdir við viðbyggingu standa yfir.
Verkið felst í jarðvinnu, lagningu botnlagna, uppsteypu, gluggaísetningu og fullnaðarfrágangi að utan sem innan nýrrar leikskólabyggingar sem byggð verður við núverandi leikskólabyggingu Hulduheima. Ásamt því er uppsetning allra tækni – og lagnakerfa s.s. loftræsikerfis, vatns- , og raflagna. Einnig eru lóðarframkvæmdir hluti af verkinu.
Í nýrri viðbyggingu er gert ráð fyrir 33 börnum en áætlað er að viðbyggingin sé tilbúin í apríl 2026. Í framhaldi af því tekur við lóðarfrágangur.
Hvernig gengur?
Febrúar 2026
Frágangur innanhúss er langt kominn. Verið er að ljúka við uppsetningu á kerfislofti auk þess sem verið að mála og leggja gólfefni. Þá er verið að hefjast handa við að setja upp innihurðir.
Janúar 2026
Verið er að ganga frá kerfisloftum, flísalögn og gólfdúkum. Unnið er að tengingu á loftræsingu og öðrum kerfum. Verið er að undirbúa uppsetningu innréttinga.
Nóvember og desember 2025
Gluggaísetningu er lokið. Verið er að ganga frá klæðningu utanhúss, búið er að setja gólfhita auk þess sem yfir stendur uppsetning grinda fyrir loftaklæðningu. Verkið er á áætlun.
September 2025
Framkvæmdir ganga vel og eru á áætlun. Verið er ljúka við ísetningu glugga og þétta meðfram þeim. Búið er að einangra að utan og stefnt að því að koma hita í húsið á næstu vikum.
Júlí 2025
Búið er að steypa botnplötu og frágangur drenlagna stendur yfir. Verið er að vinna að því að því að steypa útveggi byggingarinnar. Veitur eru að vinna að tilfærslu aðveitulagna.
Júní 2025
Unnið hefur verið að uppslætti, járnabindingu og hafin vinna við að fylla í sökkla og útfæra stoðvegg.
Maí 2025
Uppsetning vinnubúða og jarðvinna að húsi og lóð er hafin. Þá er hafinn gröftur fyrir frárennslislögnum ásamt því að undirbúa jarðveg fyrir undirstöður.
Apríl 2025
Samið hefur verið við BÓ Smiði ehf. vegna framkvæmdarinnar. Verktakinn hefur gengið frá afmörkun vinnusvæðins. Búið er að grafa fyrir grunni nýrrar viðbyggingar.
Fyrsti hluti framkvæmdarinnar fól í sér breytingu á lögnum sem liggja að núverandi byggingu. Sú framkvæmd var unnin í samvinnu við Veitur.
Viðbygging við leikskólann í Hulduheimum
Framkvæmdir fyrir viðbyggingu við Hulduheima er í útboðsferli.
Framkvæmdir í júlí 2025
Verið er að vinna að því að steypa útveggi byggingarinnar
Veitur eru að vinna að tilfærslu aðveitulagna
Alls bárust sjö tilboð í framkvæmdir vegna viðbyggingar við Hulduheima. Verið er að yfirfara tilboðin.
Framkvæmdir
Framkvæmdir vegna viðbyggingar við Hulduheima hefjast í lok apríl.
En þá er gert ráð fyrir að farið verði að undirbúa afmarka vinnusvæði verktakans.
Framvinda
Júní 2025 -
Verkið er áætlun.
Hver koma að verkinu?
USK umhverfis - og skipulagssvið
Verkefnastjóri - nýbyggingar
Febrúar 2026
Desember 2025
2025 Nóvember
September
Ágúst
Júlí - steyptir útveggir
Framvinda í júní
Ágúst - framvinda
