Leikskólinn Hulduheimar - viðbygging

Framkvæmdin felur í sér 265 fermetra viðbyggingu við leikskólann Hulduheima ásamt lóðafrágangi.

2025 - 2026

Undirbúningur

Í framkvæmd

Lokið

Ljósmyndir

Útveggir Hulduheimar — Steyptir útveggir

Hvað verður gert?

Verkið felst í að steypa upp, einangra og klæða að utan alls 265m² viðbyggingu við leikskólann Hulduheima. Lögð er áhersla á að láta nýja viðbyggingu falla vel að núverandi byggingu þannig þær myndi eina heild. Framkvæmdaáætlun miðast að því að full starfsemi verði áfram í núverandi húsnæði leikskólans á meðan framkvæmdir við viðbyggingu standa yfir.

Verkið felst í jarðvinnu, lagningu botnlagna, uppsteypu, gluggaísetningu og fullnaðarfrágangi að utan sem innan nýrrar leikskólabyggingar sem byggð verður við núverandi leikskólabyggingu Hulduheima. Ásamt því er uppsetning allra tækni – og lagnakerfa s.s. loftræsikerfis, vatns- , og raflagna. Einnig eru lóðarframkvæmdir hluti af verkinu.

Í nýrri viðbyggingu er gert ráð fyrir 33 börnum en áætlað er að viðbyggingin sé tilbúin í apríl 2026. Í framhaldi af því tekur við lóðarfrágangur.

Hvernig gengur?

Mars 2026

Frágangi innanhúss og utanhúss er að mestu lokið. Uppsetning innréttinga og aðgangsstýringakerfa verður í lok mars. Eftir eru þrif á húsnæðinu. Því næst verða húsgögn og öðrum búnaði komið fyrir. Frágangur á lóð hefst í apríl og gert er ráð fyrir að hann verði fram í maí.

Febrúar 2026

Frágangur innanhúss er langt kominn. Verið er að ljúka við uppsetningu á kerfislofti auk þess sem verið að mála og leggja gólfefni. Þá er verið að hefjast handa við að setja upp innihurðir.

Janúar 2026

Verið er að ganga frá kerfisloftum, flísalögn og gólfdúkum. Unnið er að tengingu á loftræsingu og öðrum kerfum. Verið er að undirbúa uppsetningu innréttinga.