Leikskólinn Funaborg - framkvæmdir

Samhliða viðhaldsframkvæmdum á leikskólanum Funaborg var áætlað að reisa leikskólanum viðbyggingu. Nú hefur viðbyggingaráformum verið slegið á frest um óákveðinn tíma en haldið áfram með áform um viðhald og endurbætur.

Gólfdúkar verða endurnýjaðir samhliða fráhreinsun á rakaskemmdu byggingarefni og slípun gólfa. Unnið verður að viðhaldi á þaki hússins og útsogsblásurum bætt við. Þá verða gerðar úrbætur á hljóðvist í leikskólanum og allt málað.

Áætlað er að framkvæmdir hefjist í október 2026 og að þeim ljúki í febrúar 2027. Starfsemi leikskólans flyst á verktíma í Húsaskóla þar sem komið hefur verið upp aðstöðu undir leikskólastarf.