Laugasól - Endurgerð húsnæðis
Laugasól
Hvað verður gert?
Verkið felst í endurbótum og fullnaðarfrágangi á leikskólanum Laugasól að Leirulæk 6 í Reykjavík. Byggingin var byggð árið 1965 og er hér um endurbætur og breytingar húsnæðisins að ræða, ásamt lóðaframkvæmdum á hluta lóðar. Byggingin er á tveimur hæðum og heildarstærð húsnæðis um 1.160 m2.
Helstu verkþættir eru:
- Gagngerar endurbætur og breytingar á niðurgröfnum kjallara í jarðhæð sunnan megin lóðar.
- Breytingar og endurbætur efri hæðar.
- Endurnýjun raf-, loftræsti- og lagnakerfa í öllu húsnæðinu.
- Lóðaframkvæmdir og fullnaðarfrágangur lóðar í tengslum við breytingar.
Hvernig gengur?
Haust 2024
Niðurrif og hreinsun að innan hófst í maí 2024. Gluggar fjarlægðir. Grafið frá húsi til að koma fyrir nýjum dren- og fráveitulögnum. Í ljós kom að engir sökklar eru undir húsinu og ekki hægt að koma fyrir hefðbundnum drenlögnum meðfram því. Verk var stöðvað.
Fengin var verkfræðistofa til að gera úttekt á undirstöðum hússins og fyllingu undir því.
Verulegur ágalli er talinn á undirstöðum og ekki raunhæft að halda verki áfram án frekari skoðunar.
Hver koma að verkinu?
Verkkaupi
Umhverfis- og skipulagssvið
Skrifstofa framkvæmda og viðhalds