Hlíðar - Endurgerð gatna - Langahlíð og Drápuhlíð

Verkinu er skipt upp í 5 verkáfanga. Markmið áfangskiptingar er að tryggja rekstur veitukerfa Veitna og aðgengi umferðar inn í og gegnum hverfið. 

Verkáfangi 1

Lagning hitaveitustofna í gangstétt austan megin í Lönguhlíð í skrefum frá suðri til norðurs og í gangstétt í Drápuhlíð. Þvera þarf akrein í hringtorgi og tengja við núverandi hitaveitustofna í stokki í Eskitorgi. Fráveitu, vatnsveitu og hitaveitulagnir þvera austari akrein Lönguhlíðar. Nýtt styrktarlag og burðarlag lagt í miðdeili Lönguhlíðar og malbikað sem hjáleið. Frágangur á steyptri gangstétt og hjólastíg austan megin í Lönguhlíð.

Verkáfangi 2

Lagning fráveitu, vatnsveitu og hitaveitu yfir Miklubraut. Bráðabirgðatengingar á hitaveitu, nýr hitaveitustofn tengdur norðan Miklubrautar og hitaveitustokkur aflagður. Fráveita og vatnsveita lögð í götu í skrefum frá norðri til suðurs í vestari akrein Lönguhlíðar að Drápuhlíð. Nýtt styrktar- og burðarlag í götu og hjólastíg og frágangur á malbiki og hjólastíg.

Verkáfangi 3

Endurnýjun á götu, fráveitu og vatnsveitu í Drápuhlíð.

Verkáfangi 4

Fráveita og vatnsveita lögð í götu í skrefum frá norðri til suðurs í vestari akrein Lönguhlíðar frá Drápuhlíð að Eskitorgi. Nýtt styrktar- og burðarlag í götu og hjólastíg og frágangur á malbiki og hjólastíg.

Verkáfangi 5

Frágangur á yfirborði í Lönguhlíð, hellulagðar upphækkanir á gatnamótum, steyptar gangstéttar, blágrænar ofanvatnslausnir og græn svæði.