Héðinsreitur (Vesturvin) - Yfirborðsfrágangur 2024
Myndir
Hvað verður gert?
Verkið felst í yfirborðsfrágangi á Héðinsreit eða Vesturvin eins og uppbyggingarreiturinn er einnig kallaður.
Framkvæmdasvæðin eru tvö, annars vegar framan við nýjar byggingar við Ánanaust 1 og 3 og hins vegar á Seljavegi við Nýlendugötu.
- Verkið við Ánanaust felst í hellulögn á nýjum stíg ásamt gerð gróðurbeðs og uppsetningu ljósastólpa.
- Verkið við Seljaveg felst í gerð bílastæðis fyrir hreyfihamlað fólk, svokölluðu P-stæði. Stæðið verður hellulagt og mun falla inn í núverandi götukant.
Hvernig gengur?
Maí 2025
Verkinu er lokið og hefur lokaúttekt farið fram þar sem verktaki, eftirlit og verkkaupi hittust á verkstað og tóku verkið út.
Janúar 2025
Búið var að leggja götuljósastreng við Ánanaust og setja niður undirstöður fyrir ljósastólpa. Ekki náðist að klára hellulögn fyrir frostatíð.
Lagfæringum á hellulögn á P-stæði á Seljavegi næst Mýrargötu er lokið. Framkvæmdir á P-stæði í Seljavegi við Nýlendugötu eru ekki byrjaðar.
Október 2024
Samið var við Kröflu ehf. sem verktaka framkvæmda. Verkfræðistofa Reykjavíkur verður með eftirlit.
Framkvæmdir hefjast um miðjan október.
Ákveðið var að bæta við verkið yfirborðsfrágangi við innkeyrslu frá Mýrargötu. Einnig er líklegt að bílastæði fyrir hreyfihamlaða við Seljaveg 1 verði lagfært, þ.e. smávægilegar breytingar verði gerðar á hellulögn til að skýra betur út afmörkun stæðis.
September 2024
Verkhönnun er á lokametrunum og vonast Reykjavíkurborg að geta samið við verktaka fyrir næstu mánaðarmót. Í framhaldi af því mun verktaki koma sér fyrir á svæðinu og hefja framkvæmdir. Reykjavíkurborg og uppbyggingaraðili reitsins hafa verið í samskiptum um þessar framkvæmdir.
Loka þarf einni akrein Ánanausta til norðurs tímabundið á meðan framkvæmdir við nýjan götukant standa yfir.