Gatnamót við Bústaðaveg og Háaleitisbraut
Framkvæmdin felur í sér endurgerð á núverandi gatnamótum Bústaðavegar og Háaleitisbrautar ásamt aðlögun á aðliggjandi götum og gangstéttum.
Framkvæmdatími: júní 2023 - 18. nóvember 2023
Undirbúningur
Í framkvæmd
Lokið
Myndir
Hvað verður gert?
Framkvæmdin felur í sér endurgerð á núverandi gatnamótum Bústaðavegar og Háaleitisbrautar ásamt aðlögun á aðliggjandi götum og gangstéttum. Endurnýjun og fullnaðarfrágangi á nýjum hitaveitulögnum sem tengjast núverandi kerfi. Endurnýjun og breyting á umferðarljósum og gatnalýsingu ásamt umferðarmerkjum og yfirborðsmerkingum. Einnig breytingum norðar á Háaleitisbraut, þrenging götu til norðurs, koddar og biðstöðvar strætó.
Hvernig gengur?
Mars 2024
Framkvæmdum er lokið
Júlí 2023
Nokkrir punktar vegna framkvæmdar
- Áfangi 21 hófst mánudaginn 10. júlí, vinna gengur vel og lýkur vonandi 19. júlí.
- Þá mun áfangi 11 hefjast, lokun hægri-beygju af Bústaðavegi suður á Háaleitisbraut. Verktaki áætlar 2 vikur í þann áfanga. Umferð verður því hleypt aftur á gatnamótin 2. ágúst.
- Framkvæmdum skv. útboði á að ljúka 18. nóvember 2023 en verkáætlun verktaka miðar við að ljúka heildarverki um miðjan september.
- Eftir að gatnamótum var lokað að hluta (Áfangi 21) í byrjun viku 28 hefur enginn sjúkrabíll í forgangsakstri orðið fyrir töfum á sinni leið að bráðamóttöku landspítalans. Því er að þakka góðu skipulagi og undirbúningi verktaka fyrir þessa áfangalokun.
- Töluverð umferðarteppa myndaðist niður Eyrarland, inn Áland og allan Fossvogsveg sem stóð hvað hæst mánudaginn 10. júlí og þriðjudaginn 11. júlí. Umferðarljósum við gatnamót Bústaðavegar og Grensásvegar var tímabundið breytt til að komast á móts við aukna umferð úr Fossvogi.
Hver koma að verkinu?
Síðast uppfært 22.04.2024