Byggingarréttur í Suðurhólum og Hraunbergi
Reykjavíkurborg býður til sölu byggingarrétt á tveimur íbúðarhúsalóðum í Breiðholti. Annars vegar er um að ræða byggingarrétt á lóðinni Suðurhólar 27, þar sem gert er ráð fyrir raðhúsi og sérhæðum á tveimur til þremur hæðum með allt að 40 íbúðum. Hins vegar er um að ræða lóðina Hraunberg 1, þar sem gert er ráð fyrir íbúðarhúsi á tveimur til þremur hæðum með allt að 16 íbúðum og þjónustu-, verslunar- eða samfélagsrými á jarðhæð.
Nánari upplýsingar um lóðina og útboðsskilmála er að finna í úthlutunar- og útboðsskilmálum sem birtir eru á útboðsvefnum. Þá er vísað til meðfylgjandi deiliskipulags og mæliblaða fyrir lóðirnar.
- Deiliskipulag og fylgigögn fyrir Suðurhóla 27 og fyrir Hraunberg 1.
- Tilboðum skal skila með rafrænum hætti á útboðsvef Reykjavíkurborgar http://utbod.reykjavik.is. eigi síðar en kl. 12.00, föstudaginn, 9. október 2026.
- Áhugasamir bjóðendur eru hvattir til að virkja tímanlega aðgengi sitt að vef. Einungis lögaðilar geta boðið í byggingarréttinn.
- Suðurhólar 27 á útboðsvef.
- Hraunberg 1 á útboðsvef.
Fyrirspurnum verður svarað á útboðsvef. Niðurstaða útboðs verður birt á útboðsvef Reykjavíkurborgar og á slóðinni https://reykjavik.is/athafnalif
Loftmyndir af lóðunum
Fundargerð frá opnun tilboða
Árið 2026, þann 9. október kl. 12:00 voru kauptilboð opnuð í Borgartúni 12-14 Reykjavík, í "Kauptilboð lögaðila í byggingarrétt íbúðarhúsnæðis á lóðinni Hraunberg 1." Tilboð opnaði og fundargerð ritaði Eva Björk Hickey.
Alls bárust tvö tilboð Lóð Landslagnir ehf. kr. 122.651.600 Hraunberg 1 E. Sigurðsson ehf. kr. 52.000.000 Hraunberg 1 Fleiri tilboð bárust ekki.
