Leikskólinn Vesturborg – kennslustofur, hönnun, smíði og lóðarfrágangur
Yfirlitsmyndir
Hvað verður gert?
Framkvæmdin i felur í sér hönnun, smíði, flutning og uppsetningu á fjórum kennslustofum og tveimur tengibyggingum, ásamt hönnun og framkvæmd jarðvinnu, gerð undirstaða og lagningu allra lagna í grunni. Verkið nær einnig til lóðarvinnu í samræmi við fyrirliggjandi hönnun.
Kennslustofurnar eru hver um sig 14,9m x 6,4m eða um 96m2 á einni hæð ásamt tveim tengibyggingum, um 40m2 og 50m2 hvor. Samtals er því nýja húsnæðið um 474m2 að stærð. Kennslustofurnar skulu vera byggðar úr timbri. Hverja kennslustofu á að vera hægt að flytja í heilu lagi, setja niður á lóð leikskólans og tengja saman með tengibyggingu.
Verkið felur í sér eftirfarandi verkþætti:
• Hönnun og smíði fjögurra kennslustofa og tveggja tengibygginga við leikskólann
• Lóðarfrágang á tengdum svæðum samkvæmt fyrirliggjandi hönnun
• Lagningu stofnlagna fyrir kennslustofur ásamt tengingu við viðeigandi kerfi samkvæmt fyrirliggjandi hönnun.
Samþykkt hefur verið niðurrif á húsi vestast á lóðinni og koma því kennslustofurnar í stað þess.
Hvernig gengur?
Desember 2025
Samþykkt í Innkaupa- og framkvæmdaráði að ganga að tilboði MG húsa í framkvæmdina. Gert er ráð fyrir framkvæmdalokum í desember 2026.
Júlí 2025
Lagt til og samþykkt á afgreiðslufundi skipulagsfulltrúa breyting á deiliskipulagi sem heimilar niðurrif á sk. Skálahúsnæði vestast á lóð Vesturborgar. Engar athugasemdir bárust úr grenndarkynningu.