Hólabrekkuskóli - endurgerð
Myndir
Hvað verður gert?
Endurgerðarframkvæmdum við Hólabrekkuskóla er áfangaskipt í þrennt. Svo skapa megi hvorutveggja framkvæmdum og skólastarfi svigrúm verða settar upp 12 færanlegar kennslustofur á lóð skólans.
Fyrsti áfangi
Fyrsti áfangi framkvæmda tekur til syðsta húss Hólabrekkuskóla (hús 4). Frumhönnun og þarfagreining leiddi í ljós að fara þurfti í frekari breytingar á húsi 4 en reiknað var með í upphafi, bæði að utan og innan. Áætlað er að framkvæmdum ljúki í húsi 4 á vormánuðum 2026.
Helstu endurbætur eru þessar:
- Bætt aðgengi að húsinu (meðal annars sett upp ný lyfta)
- Brunavarnir uppfærðar
- Kennslustofur stækkaðar og bætt við vinnurýmum kennara
- Hljóðvist stórbætt
- Húsið verður einangrað og klætt að utan
- Þakfrágangur uppfærður
- Gluggakerfi endurnýjað í heild sinni
- Loftræsting endurgerð
Annar áfangi
Annar áfangi framkvæmda tekur til næst-syðsta húss Hólabrekkuskóla (hús 3). Húsið verður uppfært með tilliti til aðgengis, brunavarna, hljóðvistar og loftræstikerfis. Skólaeldhús verður uppfært, matsalir kennara og nemenda verða endurgerðir, húsið klætt að utan og þak endurnýjað.
Innra skipulagi verður breytt, kennslustofum fjölgað, brunavarnir bættar, hljóðvist og ljósvist betrumbætt, lagnir endurnýjaðar og byggt yfir inngarðinn sem áætlað er að nýtist sem hluti af matsal.
Þriðji áfangi
Þriðji áfangi framkvæmda tekur til nyrstu húsa Hólabrekkuskóla (hús 1 og 2). Nánar verður greint frá framkvæmdaáformum þeirra húsa eftir því sem hönnun vindur fram.
Hvernig gengur?
Mars 2026
Framkvæmdir við hús 4 færast á lokastig. Unnið við frágang á veðurhjúp tengibyggingar milli húsa 4 og 3 ásamt uppsetningu þakglugga og flóttastiga. Áfram var unnið að slagregns- og loftþéttaleikaprófum og viðeigandi úrbótum þar sem á við.
Febrúar 2026
Áhersla lögð á innri frágang í húsi 4 og tengibyggingu milli húsa 4 og 3. Verið er að undirbúa slagregnsprófanir á gluggum svo tryggja megi sem bestan þéttleika og vatnsöryggi.
Framkvæmdir við hús 4 eru áfram á áætlun.
Janúar 2026
Áframhaldandi framkvæmdir við hús 4. Vinna hafin við tengibyggingu og unnið að frágangi utanhússklæðningar. Unnið að uppsetningu og frágangi á innihurðum og innréttingum ásamt dúklögn og kerfisloftum.
Framkvæmdir við hús 4 á áætlun.
Desember 2025
Færanleg hús með alls 12 kennslustofum hefur verið komið fyrir á lóð skólans og eru tilbúin til notkunar.
Október 2025
Lokið er að skipta út gluggum. Unnið er að klæðningu og einangrun útveggja. Endurnýjun á steyptri þakplötu er í fullum gangi.
Unnið er að koma fyrir færanlegum stofum á lóð Hólabrekkuskóla til að koma nemendum í hverfið sitt að nýju.
Einnig er unnið að fulla að klára fullnaðarhönnun á húsi 1-2
Beðið er heimildar til útboðs á framkvæmdum við hús 3.
Ágúst 2025
Framkvæmdir í húsi 4 halda áfram og næst á dagskrá er að koma upp nýju gluggakerfi.
Útboðsgögn fyrir hús 3 eru að klára lokarýni fyrir útboð.
Maí 2025
Framkvæmdir eru komnar á gott skrið. Verktaki vinnur að niðurrifi á gluggakerfi og hreinsun einangrunar á þaki. Innanhúss er unnið í niðurrifi og breytingum á lögnum.
Mars 2025
Samið verður við verktakann Tindhagur ehf., sem bauð lægst í endurgerð Hólabrekkuskóla hús 4. Undirbúningur er hafinn og mun verktakinn koma sér fyrir á framkvæmdasvæðinu fljótlega.
Mars 2025
Útboð 16039, fyrir endurgerð á húsi 4, var opnað í febrúar. Sjö verktakar buðu í verkið og niðurstöður og samningar ættu að liggja fyrir í mars.
Til að nýta tímann fram að uppbyggingu og minnka áhættu á ófyrirséðum verkum var ákveðið að hreinsa bygginguna betur að innan í desember.
Útboðsgögn fyrir hús 3 eru langt komin og er áætlað að þau verði tilbúin í maí 2025.
Nóvember 2024
Hönnunar- og útboðsgögn fyrir hús 4 eru tilbúin. Reiknað er með að auglýsa útboð fyrir jól 2024 og opnun verði í upphafi árs 2025.
Aðalhönnun fyrir hús 1-3 er nánast tilbúin og sérhönnun (tæknihönnun) fyrir hús 3 er hafin.
Júlí 2024
Heildstæð hönnun á öllum 4 húsum Hólabrekkuskóla - þarfagreining og skilgreining húsnæðis er á lokametrum.
Deili-og sérhönnun á húsi 4 er í fullum gangi og er reiknað með að útboð á framkvæmdum í húsi 4 verði á vetrarmánuðum.
Frumhönnun á húsum 1-3 er langt komin og deili- og sérhönnun mun hefjast að loknu sumri.