English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Um þessar mundir er verið að innleiða læsisstefnu leikskóla „Lesið í leik“ en leikskólar borgarinnar skila áætlun um læsi með starfsáætlun sinni á næsta ári.
Í vetur hafa verið haldnir fjölmargir fundir um læsi leikskólabarna, m.a. á starfsdögum leikskóla, hverfisfundum og á fræðslumorgnum sem skipulagðir voru í samvinnu við Háskóla Íslands.
Í nýliðinni viku voru haldnir tveir mjög vel sóttir fræðslumorgnar þar sem stjórnendur fjögurra leikskóla sögðu frá vinnu sinni í vetur. Þetta voru leikskólarnir Garðaborg, Drafnarsteinn, Fífuborg og Laufskálar. Á fundunum var auk þess gefinn góður tími til samræðna þar sem leikskólakennarar skiptust á hugmyndum og útfærslum í vinnu með mál og læsi leikskólabarna. Mjög frjóar umræður spunnust á fundunum enda er unnið metnaðarfullt starf í tengslum við mál og læsi í leikskólunum.