English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Kynning á starfsemi Borgarbókasafns á víetnömsku - Chào mừng các bạn đến với thư viện
Menning og listir
Borgarbókasafn býður reglulega upp á kynningu á starfsemi safnsins á ýmsum tungumálum í samstarfi við einstaklinga og félög innflytjenda á landinu. Laugardaginn 17. maí verður boðið upp á kynningu á víetnömsku. Á meðan fullorðnir fá leiðsögn um safnið og upplýsingar um starfsemi þess er boðið upp á sögustund og leiki fyrir börnin.
Bókasöfnin eru öllum opin og er öllum velkomið að njóta þess sem þau hafa upp á að bjóða. Á safninu er hægt að fá tónlist, kvikmyndir, bækur og annað efni að láni eða njóta þess á staðnum, lesa fréttir á netinu, kíkja í dagblöðin sem liggja frammi, leita að uppáhaldshöfundinum sínum eða hitta annað fólk.
Bókasafnið er líka góður staður til að VERA á, setjast niður í næsta stól eða sófa, hvort sem er einn með sjálfum sér eða með öðrum. Í Borgarbókasafni er ýmislegt um að vera bæði fyrir börn og fullorðna. Það er ókeypis að fara á bókasafnið og allir er velkomnir alla daga, líka um helgar.