English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Grunnskólakennarar streymdu í Ráðhúsið í morgun að afloknum baráttufundi á Ingólfstorgi og afhentu Jóni Gnarr borgarstjóra og Degi B. Eggertssyni, formanni borgarráðs, ályktun fundarins.
Félag grunnskólakennara lagði niður vinnu í dag til að knýja á um samninga og liggur allt grunnskólastarf niðri í landinu. Þeir héldu fjölmennan útifund áður en þeir komu á fund borgarfulltrúa með yfirlýsingu sem þeir lásu upp.
Í henni segir m.a.:
- Grunnskólakennarar hvetja til að gengið verði til samninga hið fyrsta svo ekki þurfi að koma til þeirrar röskunar á skólastarfi sem fylgja mun boðaðri vinnustöðvun. Hún mun hafa áhrif á 43 þúsund nemendur og fjölskyldur þeirra. Slík aðgerð er neyðarúrræði sem kennarar eru nú þvingaðir í vegna seinagangs viðsemjenda við samningsgerðina. Grunnskólakennarar hafa verið samningslausir í 2 ár og nú er þolinmæði þeirra á þrotum -.
Grunnskólakennarar hafa boðað frekari vinnustöðvun 21. og 27. maí hafi samningar ekki tekist.