English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Fimmtudaginn 15. maí kl. 15:05, verður opnað fyrir umsóknir um götu- og torgsölu á vefsvæðinu „Mínar síður“. Götusala er leyfisskyld og eru leyfi gefin út til ákveðins tíma.
Þeir sem ekki eru nú þegar með aðgang að „Mínum síðum“ á vef Reykjavíkurborgar eru hvattir til að sækja um rafræn auðkenni áður en opnað verður fyrir umsóknir. Þjónustuver Reykjavíkurborgar aðstoðar í síma 411 11 11 eða í Netspjalli Reykjavíkurborgar
Götu- og torgsala á við um hvers kyns sölustarfsemi sem fer fram utanhúss og á almannafæri, svo sem á torgum, götum, gangstéttum og í almenningsgörðum. Minniháttar góðgerðasölur, svo sem tombólur barna og ungmenna, eru ekki leyfisskyldar. Önnur sala, sem hvorki krefst yfirbyggingar né sérstakrar aðstöðu, til dæmis dagblaðasala eru heldur ekki leyfisskyld.
Götusölu er skipt í markaðssölu þar sem gefið er leyfi til eins til þriggja mánaða fyrir um 5 fermetra svæði á borgarlandi; dagsölu sem er sala úr söluvögnum eða sölubifreiðum á skilgreindum svæðum frá kl. 9:00 - 21:00 og í þriðja lagi í nætursölu, sem er sala úr söluvögnum eða sölubifreiðum á skilgreindum svæðum frá kl. 22:00 - 4:00.