English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Börnin í Árborg kunna vel að meta ný leiktæki og nýja skólalóð en lokið var við viðamikla endurgerð lóðarinnar í sumar.
Framkvæmdir hófust í fyrrasumar þegar lóðin var hækkuð, hiti settur í gönguleið og stórum sandkassa komið fyrir við skólann. Þá var aðgengi fyrir fatlaða lagað.
Í sumar var þjónustuaðkoma við leikskólann malbikuð, fallvarnarefni lögð á leiksvæðið og lóðinni allri breytt. Þannig hafa öll leiktæki verið endurnýjuð og hjólabraut búin til á lóðinni. Einnig er búið að leggja gönguleið út í skógarlund utan við lóðina sem nýttur verður til útikennslu.
Litríkt gervigras setur skemmtilegan svip á lóðina og einnig hafa tveir tréhestar bæst í dýrahópinn á skólalóðinni en fyrir var risalangur krókódíll sem börnin fengu á leiksvæðið í fyrrasumar.
Leikskólinn Árborg er í fallegu umhverfi Elliðaárdalsins og óhætt er að segja að nýja lóðin falli þar vel inn og flæði skemmtilega inn í náttúrulegt umhverfið