English translation
Hi! The English site is only a beta for now and still has many errors (especially in names and locations).
We are working hard to fix them and making more content available than ever before so expect constant updates.
Mikil stemming var við Þrettándabrennuna við Ægisíðu sl. sunnudag en þar fór fram árleg brenna á vegum foreldrafélaganna í Vesturbæ í samstarfi við Þjónustumiðstöð Vesturbæjar. Líkt og undanfarin ár var byrjað við KR- heimilið og voru þar sungin nokkur lög undir stjórn Guðmundar Steingrímssonar sem spilaði undir á harmonikku. Gísli Marteinn Baldursson formaður Hverfisráðs Vesturbæjar sagði nokkur orð við nærstadda en svo var lagt af stað í skrúðgöngu að Ægisíðunni í fylgd lögreglu og nemenda úr Hagaskóla sem leiddu gönguna með kyndlum. Þegar að Ægisíðunni var komið var kveikt í brennunni sem sjaldan eða aldrei hefur verið eins stór á þrettándanum. Fjöldi fólks mætti á brennuna, en vel á annað þúsund manns var þarna saman komin sem tókst afar vel og svo gæddi fólk sér á heitu kaffi og kakói sem Frostaskjól var með til sölu.
Foreldrafélögin og Þjónustumiðstöðin vilja færa öllum þeim aðilum og fyrirtækjum sem á einhvern hátt studdu þenna viðburð bestu þakkir.