Rafvirkjameistari / Rafiðnfræðingur

Skrifstofa framkvæmda og fasteignaþjónustu leitar að reyndum og færum rafvirkjameistara og rafiðnfræðingi til starfa á skrifstofu framkvæmda og fasteignaþjónustu. Starfið felur í sér umsjón með rafmagnsmálum og tengdum verkefnum í fasteignum í eigu og umsjón Reykjavíkurborgar. Verkefnin krefjast þverfaglegrar samvinnu bæði innana fagsviða borgarinnar sem og annarra hagsmunaaðila.

Verkefni deildarinnar eru meðal annars að hafa yfirumsjón með nýframkvæmdum, nýbyggingum og viðhaldi á eignasani Reykjavíkurborgar. Verkefnin eru fjölbreytt og hafa tengingu við Græna planið, heildarstefnu borgarinnar í fjáfestingum og lykilverkefnum í borgarumhverfinu.

Menntunar- og hæfniskröfur

• Löggild meistaréttindi í rafvirkjun.
• Lokapróf í rafiðnfræði.
• Aukin menntun á fagsviði kostur.
• 10 ára reynsla á fagsviðinu.
• Góð færni í mannlegum og rituðum samskiptum.
• Lausnamiðuð hugsun, sjálfstæð, skipulögð og öguð vinnubrögð.
• Haldbær reynsla af tæknimálum, viðhaldi og rekstri tæknibúnaðar.
• Haldbær þekking á helstu stjórnkerfum raflagna, s.s. ljósakerfum, virkni iðntölva, hraða- og tíðnibreyta og annarra helstu stýrikerfa.
• Haldbær þekking á út- og neyðarlýsingu ásamt þekkingu á hönnun lýsingar.
• Íslenskukunnátta C1 í samræmi við í samevrópska tungumálarammann og enskukunnátta B2.

Verksvið

• Viðbragðsþjónusta.
• Verkefnastjórnun.
• Meistaraábyrgð gagnvart Húsnæðis- og mannvirkjastofnun og Orkuveitu Reykjavíkur.
• Ástandsmat raflagna og búnaðar.
• Gerð viðhaldsáætlana, annarra áætlana og útboða.
• Eftirlit og samvinna með verktökum og rekstraraðilum.
• Leiðbeinandi hlutverk gagnvart rafverktökum um tæknilegar úrlausnir verkefna.

Nánar um starfið

• Um er að ræða fjölbreytt og spennandi framtíðarstarf í faglegu starfsumhverfi þar sem áhersla er á teymisvinnu, góða þjónustu og virðingu fyrir umhverfinu.
• Launakjör eru samkvæmt kjarasamningi Reykjavíkurborgar og hlutaðeigandi kjarafélags.
• Nánari upplýsingar um starfið veitir Ragnar Pálsson með því að senda tölvupóst á Ragnar.Palsson@reykjavik.is.
• Umsóknarfrestur er til og með 10 september 2026.