Stuðningur í sérkennslu

Við í Jörfa óskum eftir metnaðarfullum starfsmanni í sérkennsluteymið okkar. Helstu verkefni eru að vinna í teymi sérkennslunnar og veita þeim börnum sem og deildum stuðning til þess að allir geti notið sín í námi. Það sem þarf að vinna að hverju sinni í samstarfi við sérkennslustjóra og aðra í sérkennsluteymi. Starfinu fylgir samskipti við foreldra og samstarf um velferð barna.

Leikskólinn Jörfi er 7 deilda leikskóli. Leikskólanum er skipt upp í eldri deildir á aldrinum 3-5 ára - Jörfi við Hæðargarð 27a og ungbarnadeildir á aldrinum 1-2 ára - Litli Jörfi við Bústaðaveg 81.

Aðbúnaður og staðsetning leikskólans er góð með ýmsum möguleikum til útivistar. Í göngufæri eru, Grundagerðisgarður, Úlfaskógur, Hákonarlundur, Elliðaárdalur, Fossvogsdalur og Laugardalur ásamt mörgum öðrum grænum svæðum og görðum.

Leikskólinn Jörfi er í innleiðingarferli á nýrri skólastefnu í anda Reggio Emilia. Ein af megináherslunum Reggio Emilia hugmyndafræði er á að virða sjónarhorn barna, hvetja þau til sköpunar og efla rannsóknargleði í gegnum leik og samskipti.

Einkunnarorð skólans eru: Gleði-Sköpun-Virðing.

Skólinn er í samstarfi við Íþróttafélagið Víking, Tónskóla Sigursveins

Við hvetjum alla áhugasama að kíkja á heimasíðuna og Instagram síðu Jörfa.

Helstu verkefni og ábyrgð

• Að veita barni leiðsögn og stuðning í samskipti við önnur börn og í frjálsum leik
• Að eiga samstarf við foreldra, fagaðila og aðra ráðgjafa.
• Að sinna þeim verkefnum og öðrum störfum innan leikskólans.

Hæfniskröfur

• Leikskólasérkennaramenntun, þroskaþjálfamenntun, sálfræðimenntun eða önnur sambærileg menntun sem nýtist í starfi
• Reynsla af sérkennslu æskileg
• Sveigjanleiki í samskiptum 
• Sjálfstæð og skipulögð vinnubrögð 
• Frumkvæði, áhugi og metnaður í starfi
• Góð íslenskukunnátta
• Hreint sakavottorð í samræmi við lög og reglur Reykjavíkurborgar

Fríðindi

• 36 stunda vinnuvika
• Frír hádegismatur
• Sundkort sem veitir ókeypis aðgang að 7 sundlaugum
• Menningarkort sem veitir ókeypis aðgang að söfnum borgarinnar
• Samgöngustyrkur
• Líkamsræktarstyrkur
• Hreint sakarvottorð í samræmi við lög og reglur Reykjavíkurborgar

Frekari upplýsingar

Nánari upplýsingar veitir Vessela Dukova.

jorfi@reykjavik.is

Starfið er laust nú þegar en ráðið er eftir samkomulagi.

Laun eru samkvæmt kjarasamningi Reykjavíkurborgar við viðkomandi stéttarfélag.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Leikskólinn Jörfi

Hæðargarður27a

108 Reykjavík