Verkefnastjóri gatna- og umferðalýsingar

Umhverfis- og Skipulagssvið leitar að drífandi einstaklingi til að stýra og vinna að viðhaldi á sviði gatnalýsingar og umferðarljósa á borgarlandinu. Verkefnin krefjast mikillar þverfaglegrar samvinnu bæði innan fagsviða Reykjavíkurborgar sem og annarra hagsmunaaðila.

Verkefnastjórinn starfar innan einingar Tækniþjónustunnar á Skrifstofu Borgarlandsins og ber meginábyrgð á skipulagningu, framkvæmd eftirfylgni verkefna er varða stýrikerfi og rekstur gatnalýsingar og umferðarljósa borgarinnar. Starfshlutverkið felur í sér verkefnastýringu, rýni á tæknigögnum, prófanir, bilanagreiningu, samhæfingu við verktaka og innri aðila, auk umbótavinnu og þátttöku í þróun á gatnalýsingar- og umferðarljósastýrikerfum í borgarumhverfinu.

Helstu verkefni og ábyrgð

• Ber faglega ábyrgð á verkefnastýringu tengdri gatnalýsingar- og umferðarljósakerfum.
• Skipuleggur og fylgir eftir rekstrarverkefnum í samráði við hönnuði, teymi, verktaka og aðra hagaðila.
• Skilgreinir og fylgir eftir verkefna- og viðhaldsáætlunum og sér um kostnaðarmat, verkáætlanir og framvinduskýrslur.
• Sinnir viðhaldi og bilanagreiningu á gatnalýsingar- og umferðarljósakerfum ásamt prófunum á búnaði.
• Upplýsingagjöf og utanumhald með verkefnum og verklokum.
• Tekur þátt í innleiðingu á nýjum lausnum.

Menntunar- og hæfniskröfur

• Rafmagnstæknifræðingur, rafmagnsverkfræðingur eða önnur sambærileg menntun. Sveinspróf í rafiðn er kostur.
• Almenn þekking og reynsla af sterk- og veikstraums tækni.
• Reynsla af vinnu við stýrikerfi gatnalýsinga- og umferðarljósakerfa er kostur.
• Almenn ökuréttindi eru skilyrði.
• Reynsla af verkefnastjórnun, greiningu, skýrslugerð og framsetningu upplýsinga er skilyrði.
• Frumkvæði, skipulagshæfni og sjálfstæð vinnubrögð.
• Góð almenn tölvukunnátta.
• Íslenskukunnátta B2 samkvæmt samevrópskum tungumálaramma og enskukunnátta B2.
• Reynslu af notkun á skynjaratækni í stýribúnaði.
• Reynsla af orkudreifikerfum og vinnu með PLC iðnstýribúnað er kostur.

Nánar um starfið

• Starf verkefnastjóra er fjölbreytt og spennandi starf í faglegu starfsumhverfi þar sem áhersla er á teymisvinnu, góða þjónustu og virðingu fyrir umhverfinu.
• Um er að ræða framtíðarstarf og er æskilegt að starfsmaður geti hafið störf sem fyrst.
• Launakjör eru samkvæmt kjarasamningi Reykjavíkurborgar og hlutaðeigandi kjarafélags.
• Nánari upplýsingar um starfið veitir Kristján Hallvarðsson með því að senda tölvupóst á kristjan.hallvardsson@reykjavik.is.
• Umsóknarfrestur er til og með 31. mars 2026.