Barnabókaverðlaun Guðrúnar Helgadóttur
Barnabókaverðlaun Guðrúnar Helgadóttur voru stofnuð árið 2018 til heiðurs Guðrúnu Helgadóttur rithöfundi. Verðlaunin eru veitt árlega fyrir óprentað handrit að barna- eða ungmennabók og styðja þannig við nýsköpun í greininni.
Verðlaunahandrit Barnabókaverðlauna Guðrúnar Helgadóttur árið 2024 hefur verið valið og haft hefur verið samband við viðkomandi rithöfund.
Verðlaunaafhending fer fram í Höfða í byrjun september.
Hver eru verðlaunin?
Verðlaunahafi hlýtur verðlaunafé. Verðlaunaféð er greitt af Reykjavíkurborg og eru ein verðlaun veitt árlega að vori samhliða verðlaunaafhendingu Barnabókaverðlauna Reykjavíkurborgar. Upphæð verðlaunanna er ein milljón króna.
Hvenær er skilafrestur?
Skilafrestur handrita fyrir samkeppnina árið 2024 var til 1. apríl 2024
Hvernig tek ég þátt?
Senda skal inn til Reykjavíkurborgar óbirt handrit að skáldverki fyrir börn eða unglinga, frumsömdu á íslensku. Handritum sem keppa til verðlaunanna þarf að skila í þríriti merktum dulnefni, en nafn og heimilisfang fylgi með í lokuðu umslagi. Handrit berist í síðasta lagi 1. apríl 2024.
Utanáskrift handrita:
Barnabókaverðlaun Guðrúnar Helgadóttur
b.t. Reykjavíkur bókmenntaborgar UNESCO
Afgreiðsla Reykjavíkurborgar
Borgartúni 12-14
105 Reykjavík.
Útgáfuréttur verðlaunahandrits er í höndum höfundar eða þess forlags sem hann ákveður að starfa með. Sé dómnefnd á einu máli um að ekkert þeirra verka sem borist hafa fullnægi þeim kröfum sem hún telur að gera verði til verðlaunaverka, má fella verðlaunaafhendingu niður það ár.