Frá vegferð til veruleika
Ársskýrsla þjónustu- og nýsköpunarsviðs 2025
Fjármál og lykiltölur
Ársuppgjör sviðsins árið 2025 byggist á fjárheimildum, tekjum og útgjöldum þeirra eininga sem tilheyra sviðinu. Heildarrekstur sviðsins var samtals 4.607 milljónir króna (m.kr.) en endurskoðuð áætlun ársins var 4.594 m.kr. og var rekstur sviðins því í heild um 12,7 m.kr yfir áætlun eða um 0,28%.
Heildarfjárfesting sviðsins á árinu var samtals 1.524 m.kr en áætlun ársins gerði ráð fyrir fjárfestingum að fjárhæð 1.730 m.kr. Fjárfesting var því 206 m.kr. undir áætlun, sem jafngildir 11,9% lægri fjárfestingu en gert var ráð fyrir.
Rekstur
Rekstrarkostnaður sviðsins var sem fyrr segir 4.607 m.kr. en þar af var rekstur upplýsingatækniþjónustu samtals 2.651 m.kr og var stærsti einstaki rekstrarþátturinn, eða um 58% af heildarrekstrarkostnaði sviðsins.
Rekstur upplýsingatækniþjónustu var 204 m.kr. umfram áætlun á árinu, sem skýrist að mestu af hærri launakostnaði og auknum rekstrarkostnaði. Þessi frávik endurspegla meðal annars ört vaxandi umfang og aukið álag í rekstri UT-innviða, sem hefur kallað á aukna verktöku til að tryggja samfellu í þjónustu og upplýsingaöryggi.
Rekstrarkostnaður rekstrarþjónustu sviðsins, það er rekstrarkostnaður Höfðatorgs og Ráðhússins, var samtals 505 m.kr. eða um 11% af heildarrekstrarkostnaði sviðsins.
Heildarrekstrarkostnaður við þjónustu og umbreytingu var samtals 505 m.kr. eða um 11% af heildarrekstrarkostnaði sviðsins.
Rekstur eftir einingum
| Eining | Raun 2025 | Endurskoðuð áætlun 2025 |
Frávik á raun og endurskoðaðri áætlun í % |
Raun 2024 | Breyting milli ára, í % |
|---|---|---|---|---|---|
| Borgarskjalasafn | 203 | 208 | -2,4% | 199 | 2,3% |
| Gagnaþjónusta | 51 | 110 | -53,1% | 70 | -27,2% |
| Upplýsinga- og skjalastýring | 170 | 204 | -16,7% | 160 | 6,5% |
| Rekstrarþjónusta | 505 | 510 | -1,1% | 548 | -7,9% |
| Stafræn Reykjavík | 282 | 322 | -12,5% | 343 | -18,0% |
| Miðlæg skrifstofa ÞON | 239 | 260 | -8,1% | 192 | 24,5% |
| Upplýsingatækniþjónusta | 2.651 | 2.447 | 8,3% | 2.690 | -1,4% |
| Þjónusta og umbreyting | 505 | 533 | -5,1% | 409 | 23,6% |
| Samtals | 4.607 | 4.594 | 0,28% | 4.611 | -0,1% |
Fjárfestingar
Heildarfjárfesting sviðsins árið 2025 var samtals 1.524 m.kr. Fjárfestingaráætlun ársins gerði ráð fyrir 1.730 m.kr.
Mest var fjárfest í notendabúnaði og upplýsingatækniinnviðum, fyrir 579 m.kr. eða um 38% af heildarfjárfestingu ársins.
Fjárfestingar í hugbúnaði og nýjum upplýsingakerfum voru 323 m.kr. eða 21% af heildarfjárfestingu ársins.
Fjárfestingar í vöruþróun og stafvæðingu ferla voru 252 m.kr. eða um 17% af heildarfjárfestingu ársins.
