Hringrásargarður á Álfsnesi - verðfyrirspurn vegna fýsileikagreiningar

Reykjavíkurborg ásamt samstarfsaðilum vill kanna tækifærin sem felast í að stuðla að þróun iðnaðarvistkerfis í hringrásariðngarði á Álfsnesi. Verkefnið sem hér um ræðir felst í gerð fýsileikagreiningar, mati á forsendum og tillögum um uppbyggingu á hringrásargarði.

• Óskað er eftir tilboði í fýsileikagreiningu fyrir hringrásargarð á Álfsnesi frá teymum með fjölbreytta reynslu og þekkingu.

Fýsileikagreining

Fýsileikagreiningin felur meðal annars í sér að:

• Kortleggja samlífi fyrirtækja út frá auðlindastraumum.
• Lýsa mögulegu eignarhaldi og rekstrarfyrirkomulagi auðlindagarðs.
• Lýsa hvaða samgöngur og innviði þyrfti á svæðinu og gróft kostnaðarmat á þeim.
• Skilgreina kvaðir og/eða skyldur sem settar yrðu á fyrirtæki á svæðinu.
• Greina viðskiptatækifæri og áhættuþætti svo uppbygging gangi eftir.

Verðfyrirspurn

• Verðfyrirspurnargögn eru eingöngu aðgengileg á útboðsvef Reykjavíkurborgar frá 20. febrúar 2023

• Frestur til umsóknar er til kl. 10 þann 7. mars 2023.

Opnun tilboða fer fram með rafrænum hætti á útboðsvef Reykjavíkurborgar. Sjá má niðurstöðu í fundargerð opnunarfundar.