Aðgengi í sundlaugum Reykjavíkur

Allar laugar

• Sérklefar eru í öllum sundlaugum Reykjavíkur (ATH, gerð sérklefa er í gangi í Klébergslaug)
• Sérklefar eru fyrir öll og þar eru læstir skápar, sturtur, skiptibekkur, salerni og vaskur. Sturtuhjólastólar eru staðsettir í eða við sérklefana.
• Allar sundlaugar hafa hlotið regnbogavottun.
• Göngugrindur eru til staðar í öllum laugum.

Árbæjarlaug

Aðkoma:

Tvö P-merkt bílastæði eru við innganginn, upphækkuð og upphituð. Byggingin er á jarðhæð og engar tröppur eða þröskuldar. Það eru tvær hurðar við aðalinnganginn og er ein þeirra með rafmagnsopnun.

Búningsaðstaða:

Búningsklefar karla og kvenna eru nálægt afgreiðslunni. Sérklefi er við hlið innilaugar. Í öllum búningsklefum er salernisaðstaða með salernisstoðum. Það eru sturtustólar í öllum búningsklefum og í sérklefa er einnig baðbekkur. Aðgengi að búningsklefum, innilaug, útilaug, pottum og gufubaði er hindrunarlaust.

Aðstaða við sundlaug/potta/gufuböð:

Lyfta er við innilaug sem tengist útilauginni. Færanleg lyfta er til staðar í potta. Eimbað úti og infrarauðir klefar í búningsklefum aðgengilegir. Það er stutt í laugina frá öllum búningsklefum. Pottarnir eru að hluta til með uppháum bakka og að hluta til eru þeir jafnir við jörðu.

Breiðholtslaug

Aðkoma:

Sex P-merkt bílastæði. Þrjú fyrir framan aðalinngang. Þrjú við hlið íþróttahúss, upphækkuð og upphituð. 

Búningsaðstaða:

Frá afgreiðslu er stutt að búningsklefum. Sérklefi er við hlið afgreiðslu. Aðgengi að búningsklefum, innilaug, útilaug, pottum og gufubaði er hindrunarlaust.

Aðstaða við sundlaug/potta/gufuböð:

Stigar eru ofan í sundlaugina. Handrið eru í kringum heitu pottana og nær það niður með tröppunum ofan í pottinn. Færanleg lyfta sem nýtist í útilaug. Hurð í eimbaði er ekki með rafmagnsopnun. 

Dalslaug

Aðkoma:

Tvö P-merkt bílastæði eru við innganginn, upphækkuð og upphituð.

Búningsaðstaða:

Sérklefi er við hlið almennra klefa. Aðgengi að búningsklefum, innilaug, útilaug, pottum og gufubaði er hindurnarlaust.

Aðstaða við sundlaug/potta/gufuböð:

Færanleg lyfta sem nýtist innilaug, útilaug og potta. Hurð í eimbað er þung.

Grafarvogslaug

Aðkoma:

Tvö P-merkt bílastæði eru við innganginn, upphækkuð og upphituð.

Búningsaðstaða:

Sérklefi er við hlið innilaugar. Aðgengi að búningsklefum, innilaug, útilaug, pottum og gufubaði er hindurnarlaust.

Aðstaða við sundlaug/potta/gufuböð:

Lyfta er í innilaug og færanleg lyfta sem nýtist útilaug. Rampur er við hlið útilaugar. Hurð í eimbað er þung.

Laugardalslaug

Aðkoma:

Fimm P-merkt bílastæði fyrir framan aðalinngang, upphækkuð og upphituð.

Búningsaðstaða:

Tveir sérklefar við almenna klefa og tveir klefar við gamla inngang. Aðgengi að búningsklefum, innilaug, útilaug, pottum og gufubaði er hindurnarlaust. 

Aðstaða við sundlaug/potta/gufuböð:

Færanleg lyfta við útilaug. Lyfta við sjópott. Aðrir pottar ekki aðgengilegir öllum.

Sundhöll

Aðkoma:

Tvö P-merkt bílastæði fyrir framan aðalinngang, upphækkuð og upphituð. Það er rafmagnsopnun á dyrum.

Búningsaðstaða:

Tveir sérklefar við hlið kvennaklefa. Aðgengi að búningsklefum á útilaugarsvæði er hindrunarlaust. Aðgengi á milli innilaugar og útilaugarsvæðis er með þrepum og með lyftu. Aðgengi að gömlu pottum er með þrepum og því ekki aðgengilegir öllum. Lyfta er á afgreiðslusvæði.

Aðstaða við sundlaug/potta/gufuböð:

Lyfta í útilaug. Færanleg lyfta við nuddpott úti. Aðrir pottar ekki aðgengilegir öllum. Eimbað úti er aðgengilegt.

Vesturbæjarlaug

Aðkoma:

Tvö P-merkt bílastæði fyrir framan inngang í viðbyggingu.

Búningsaðstaða:

Einn sérklefi í viðbyggingu við hlið útiklefa. Almennir búningsklefar eru með þrepum og því ekki aðgengilegir öllum. Aðgengi að útilaug, pottum og gufuböðum er hindrunarlaust.

Aðstaða við sundlaug/potta/gufuböð:

Lyfta í barnalaug. Hurð í eimbað er þung. 

Klébergslaug

Aðkoma:

Eitt P-merkt bílastæði fyrir framan aðalinngang. 

Búningsaðstaða og aðstaða við sundlaug/potta/gufuböð:

Aðgengi að búningsklefum og að laugarsvæði er hindrunarlaust. Engin lyfta.