16243 Charging-as-a-Service solution for electric bus fleet, EES samkeppnisútboð
F.h. Strætó bs. er óskað eftir eftir tilboðum í
Charging-as-a-Service solution for electric bus fleet, EES samkeppnisútboð nr. 16243.
Skrifstofa fjármálaþjónustu og ráðgjafar, fyrir hönd Strætó bs., óskar eftir tilboðum í uppsetningu, rekstur og viðhald hraðhleðslustöðva sem þjónusta (e. Charging-as-a-Service (CaaS)) fyrir rafknúna strætisvagna, byggt á reglugerð nr. 340/2017 um innkaup aðila sem annast vatnsveitu, orkuveitu, flutninga og póstþjónustu.
Hleðslustöðvar verða settar upp á þremur bækistöðvum á höfuðborgarsvæðinu. Gert er ráð fyrir uppsetningu á 130 hleðslutengjum sem deilast á þrjár bækistöðvar.
Útboðið innifelur m.a. eftirfarandi
- Hraðhleðslustöðvar (e. Charging Equipment)
- Stjórnkerfishugbúnað (e. Charge Point Management System (CPMS))
- Álagsstýringu (e. Load management)
- Þjónustu, viðhald og aðstoð (e. Service, Maintenance & Support)
Kynningarfundur verður haldinn þann 8. janúar 2026 kl. 13:00. Nánari upplýsingar eru að finna í útboðsgögnum.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 14:00 þann 19. desember 2025. Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.
Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: kl. 10:15, þann 5. febrúar 2026.
Ekki verður haldinn formlegur opnunarfundur, sjá má niðurstöðu á vefslóðinni https://reykjavik.is/opnun-tilboda-2025.