Hrísateigur 9

Á embættisafgreiðslufundi skipulagsfulltrúa þann 9. mars 2023 var lögð fram tillaga um breytingu á deiliskipulagi Teigahverfis vegna lóðarinnar nr. 9 við Hrísateig. Í breytingunni sem lögð er til felst að byggingarreitur bílskúrs er stækkaður og mun bílskúr fylgja sömu hæð og bílskúrar að Hrísateig 11, samkvæmt uppdr. Arkþing Nordic ódags.

Með vísan til 2. mgr. 44. gr. laga nr. 123/2010 er eftirtöldum hagsmunaaðilum gefinn kostur á að tjá sig um tillöguna:

Húseigendum að Hrísateigi 7 og 11, Laugarnesvegi 42 og 44.

Bent skal á að leigutakar húsnæðis á ofangreindum lóðum teljast einnig til hagsmunaaðila og skulu húseigendur kynna tillöguna fyrir þeim.

Nánari upplýsingar eru veittar hjá skipulagsfulltrúa, verkefnisstjóri er Olga Guðrún B Sigfúsdóttir.

Kynning hefst þann 17. apríl 2023 og skal athugasemdum við ofanskráða tillögu komið til skipulagsfulltrúa skriflega eða á netfangið skipulag@reykjavik.is eigi síðar en 17. maí 2023.

Umhverfis- og skipulagssvið notar þær persónugreinanlegu upplýsingar sem settar eru fram vegna athugasemda við skipulag, s.s. kennitölu, nafn og netfang í þeim tilgangi að vinna úr athugasemdum og auðkenna borgarbúa. Að auglýsingarferli loknu eru gögn varðveitt í 30 ár og flytjast að þeim tíma liðnum til Þjóðskjalasafns Íslands skv. lögum nr. 77/2014 um opinber skjalasöfn. Nánari upplýsingar um meðferð persónuupplýsinga hjá Reykjavíkurborg má finna hér.

Vakin er athygli á því að athugasemdir teljast til opinberra gagna í allri skipulagsmeðferð og birtast meðal annars nöfn borgarbúa í fundargerðum skipulags- og samgönguráðs á netinu.