Ritari – Foldaskóli

Foldaskóli er heildstæður grunnskóli þar sem lögð er áhersla á jákvæðan skólabrag og fjölbreytta kennsluhætti. Nemendur við skólann eru tæplega 500 en ásamt því að vera hverfisskóli nemenda í 1.-10. bekk í Foldahverfi er hann safnskóli á unglingastigi fyrir Hamra- og Húsahverfi. Við skólann er starfrækt Foldaver, sérdeild fyrir einhverfa.

Leiðsagnarnám og skapandi lærdómssamfélag einkenna skólann ásamt sterkri umhverfisvitund og heilsueflingu en skólinn tekur þátt í verkefninu Heilsueflandi grunnskóli og fylgir grænum skrefum Reykjavíkurborgar. Umhverfi skólans býður upp á mikla möguleika þar sem hann er í nálægt við Grafarvoginn sem státar af fjölbreyttri náttúru og iðandi fuglalífi.

Einkunnarorð skólans eru: siðprýði – menntun – sálarheill

Í öllu starfi skóla- og frístundasviðs er unnið eftir Menntastefnu Reykjavíkur, Látum draumana rætast, þar sem leiðarljósin eru sköpun, jafnrétti, virkni, heilsuefling og þátttaka barna í skólastarfinu, aukið samstarf og fagmennska. Einnig er unnið eftir stefnumótun verkefnisins Betri borg fyrir börn og innleiðingu laga um samþættingu þjónustu í þágu farsældar barna.

Umsókn fylgi ferilskrá, menntunargögn og annað er málið varðar.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

• Umsjón og ábyrgð á daglegum rekstri skrifstofunnar, innkaup á námsbókum og stærri innkaupum rekstrarvara
• Móttaka og þjónusta við starfsfólk, nemendur, foreldra og gesti
• Símsvörun og miðlun upplýsinga
• Umsjón með vinnuveri fagfólks
• Umsjón með forfallaskráningu
• Önnur tilfallandi verkefni sem skólastjórnendur fela ritara

Hæfniskröfur

• Framhaldsmenntun sem nýtist í starfi er kostur
• Góð þekking og reynsla af skrifstofustörfum
• Góð tölvukunnátta (excel, word o.fl.)
• Reynsla af störfum með börnum er æskileg
• Góð samskiptafærni og nákvæm vinnubrögð
• Þjónustulund og fagleg framkoma
• Stundvísi og áreiðanleiki 
• Góð íslenskukunnátta er skilyrði (C1)

Frekari upplýsingar

Laun eru samkvæmt samningi Reykjavíkurborgar og Sameykis

Starfshlutfall – 50%

Ráðningarform – Tímabundin ráðning 

Nánari upplýsingar um starfið veitir Ólafía María Gunnarsdóttir skólastjóri Olafia.maria.gunnarsdottir@reykjavik.is