Spennandi sumarstarf stuðningsráðgjafa

Við auglýsum eftir ábyrgum, metnaðarfullum og umhyggjusömum stuðningsráðgjafa með háskólamenntun á íbúðakjarna í Fossvogi. Starfið er fjölbreytt og skemmtilegt. 

Stuðningsráðgjafi vinnur eftir stefnu Reykjavíkurborgar í málefnum fatlaðs fólks til að efla færni, auka sjálfstæði, stuðla að jákvæðri sjálfsmynd og auka lífsgæði þeirra

Sólarhringsþjónusta er veitt á heimilinu. Stuðningsráðgjafi vinnur á dag- kvöld- og helgarvöktum.

Spennandi tækifæri fyrir kraftmikla og áhugasama einstaklinga sem hafa áhuga á að taka þátt í þróun starfseminnar.  

Viðkomandi þarf að geta hafið störf sem fyrst.

Helstu verkefni og ábyrgð:

• Hvetur og styður einstaklinga til sjálfstæðs lífs með valdeflandi stuðningi og aðstoð.
• Styður einstaklinga til félagslegrar þátttöku s.s. rækta félagatengsl, stunda afþreyingu, sækja menningarviðburði og íþróttir.
• Er leiðandi í starfsmannahópnum þegar kemur að því að vinna eftir verklagi og hugmyndafræði starfsstaðarins.
• Framfylgir og aðstoðar starfsfólk við að framfylgja einstaklingsáætlunum í samráði við stjórnendur.
• Tekur þátt og stýrir teymisvinnu og þróunarstarfi.
• Skráning og meðferð gagna í samræmi við verklag starfsstaðar.
• Tekur þátt í samstarfi við fagaðila, annað starfsfólk og aðstandendur.
• Önnur þau störf sem starfsmanni kunna að vera falin af yfirmanni.

Hæfnikröfur:

• Háskólamenntun sem nýtist í starfi s.s. á sviði heilbirgðis, mennta- og/eða félagsvísinda.
• Reynsla af starfi með fötluðum einstaklingum.
• Afburðahæfni í mannlegum samskiptum.
• Metnaður, skipulagshæfni, yfirvegun og sjálfstæði í vinnubrögðum.
• Íslenskukunnátta C1 (í samræmi við samevrópskan tungumálaramma).
• Hreint sakavottorð í samræmi við lög, sem og reglur Reykjavíkurborgar.

Laun eru samkvæmt samningi Reykjavíkurborgar og Sameykis stéttarfélags. Hjá Reykjavíkurborg er unnið samkvæmt betri vinnutíma í vaktavinnu.

Starfshlutfall

90%

Nánari upplýsingar um starfið veitir

Karitas Kjartansdóttir

karitask@reykjavik.is