Umsjónarkennari í 1. bekk

Melaskóli er grunnskóli í Vesturbæ Reykjavíkur. Í skólanum stunda um 550 nemendur nám í 1. til 7. bekk og lögð er áhersla á menntun og vellíðan nemenda, fjölbreytta kennsluhætti og góð samskipti við aðstandendur. Einkunnarorð skólans eru vellíðan, samvinna, metnaður og sköpunargleði.

Við leitum að einstaklingi með góða samskiptahæfni og þekkingu á skólastarfi. Einstaklingi sem hefur óbilandi trú á nemendum, áhuga á menntun þeirra og velferð og er tilbúinn að taka þátt í því að móta metnaðarfullt skólastarf. 

Í 1. bekk er öflugt teymi kennara og samvinna er til fyrirmyndar. 

Helstu verkefni og ábyrgðarsvið:

• Annast kennslu nemenda, undirbúning og námsmat í samstarfi og samráði við aðra starfsmenn skólans
• Stuðla að velferð nemenda í samstarfi við aðstandendur og annað fagfólk

Helstu menntunar- og hæfniskröfur:

• Leyfisbréf til kennslu
• Reynsla af kennslu æskileg ásamt óbilandi áhuga á að vinna með börnum
• Jákvæðni, lipurð og færni í samskiptum
• Faglegur metnaður og frumkvæði
• Mjög góð íslenskukunnátta (C2)
• Hreint sakarvottorð

Um er að ræða 100% starf til framtíðar.

Nánari upplýsingar veitir Harpa Reynisdóttir skólastjóri, harpa.reynisdottir@reykjavik.is.