Velferðarráð
Ár 2022, miðvikudagur 16. febrúar var haldinn 421. fundur velferðarráðs og hófst hann kl. 13:06 í Hofi, Borgartúni 12-14. Á fundinn mættu: Heiða Björg Hilmisdóttir, Ragnhildur Alda Vilhjálmsdóttir, Elín Oddný Sigurðardóttir, Sanna Magdalena Mörtudóttir, Ellen Jacqueline Calmon og Rannveig Ernudóttir. Eftirtaldir fulltrúar tóku sæti á fundinum með fjarfundabúnaði með vísan til heimildar í 1. málsl. 1. mgr. 54. gr. sveitarstjórnarlaga nr. 138/2011, sbr. 4. málsl. 1. mgr. 13. gr. samþykktar um stjórn Reykjavíkurborgar og fundarsköp borgarstjórnar: Kolbrún Baldursdóttir. Af hálfu starfsmanna sátu fundinn: Berglind Magnúsdóttir, Kristjana Gunnarsdóttir, Agnes Sif Andrésdóttir, Regína Ásvaldsdóttir, Dís Sigurgeirsdóttir og Randver Kári Randversson sem ritaði fundargerð.
Þetta gerðist:
-
Fram fer kynning á starfinu á velferðarsviði á milli funda velferðarráðs.
-
Fram fer kynning á stöðu mála hjá Barnavernd Reykjavíkur. VEL22020015.
Katrín Helga Hallgrímsdóttir, framkvæmdastjóri Barnaverndar Reykjavíkur, Tómas Hrafn Sveinsson, formaður barnaverndarnefndar Reykjavíkur og Elísa Ragnheiður Ingólfsdóttir, skrifstofustjóri skrifstofu barnaverndarnefndar Reykjavíkur, taka sæti á fundinum undir þessum lið.
-
Lögð fram tillaga sviðsstjóra, dags. 16. febrúar 2022, um undirbúning að stofnun nýs vistheimilis fyrir ungmenni á vegum Barnaverndar Reykjavíkur og breytingu á núverandi rekstri. Trúnaðarmál. VEL2021080007.
Greinargerð fylgir tillögunni.
Samþykkt.Fulltrúar Samfylkingarinnar, Pírata og Vinstri grænna leggja fram bókun sem færð er í trúnaðarbók.
Fulltrúi Sósíalistaflokks Íslands leggur fram bókun sem færð er í trúnaðarbók.
Katrín Helga Hallgrímsdóttir, framkvæmdastjóri Barnaverndar Reykjavíkur, Tómas Hrafn Sveinsson, formaður barnaverndarnefndar Reykjavíkur og Elísa Ragnheiður Ingólfsdóttir, skrifstofustjóri skrifstofu barnaverndarnefndar Reykjavíkur, taka sæti á fundinum undir þessum lið.
-
Fram fer kynning á stöðu mála vegna opnunar neyslurýmis. VEL22020016.
Fulltrúar Samfylkingarinnar, Pírata og Vinstri grænna leggja fram svohljóðandi bókun:
Fulltrúarnir þakka kynningu á stöðu mála vegna opnunar neyslurýmis í Reykjavík. Gengið var til samninga við Rauða krossinn um rekstur færanlegs neyslurýmis og voru samningar þess efnis undirritaðir í nóvember 2021. Nú er beðið eftir rekstrarleyfi frá Landlæknisembættinu til að geta hafið reksturinn. Markmið Reykjavíkurborgar er að ganga fram með góðu fordæmi og halda áfram innleiðingu skaðaminnkandi hugmyndafræði í alla þjónustu, sem er mannréttindamiðuð nálgun og byggist á því að draga úr skaða og aðstoða einstaklinga á þeirra eigin forsendum. Með færanlegu neyslurými er hægt að veita einum jaðarsettasta hópi samfélagsins lífsnauðsynlega heilbrigðisþjónustu. Neyslurými draga úr skaðlegum afleiðingum sem fylgja neyslu ávana- og fíkniefna, bæði fyrir einstaklinginn sjálfan, aðstandendur og nærsamfélagið.
Marín Þórsdóttir, deildarstjóri Rauða krossins í Reykjavík, Kristín Davíðsdóttir, verkefnastjóri hjá Rauða krossinum í Reykjavík, Helga Jóna Benediktsdóttir, yfirlögfræðingur á skrifstofu velferðarsviðs, Bára Sigurjónsdóttir, lögfræðingur á skrifstofu velferðarsviðs og Sigþrúður Erla Arnardóttir, framkvæmdastjóri Þjónustumiðstöðvar Vesturbæjar, Miðborgar og Hliða, taka sæti á fundinum undir þessum lið með fjarfundabúnaði.
-
Fulltrúi Sósíalistaflokks Íslands leggur fram svohljóðandi fyrirspurn:
Hvað eru margir Reykvíkingar yngri en 67 ára sem dvelja og/eða búa nú á hjúkrunarheimilum?
- kl. 14:49 víkur Kolbrún Baldursdóttir af fundinum.
Fundi slitið klukkan 14:58
PDF útgáfa fundargerðar
421._fundargerd_velferdarrads_fra_16._februar_2022.pdf