Stjórnkerfis- og lýðræðisráð - Fundur nr. 72

Stjórnkerfis- og lýðræðisráð

Ár 2018, 12. febrúar, var haldinn 72. fundur stjórnkerfis- og lýðræðisráðs. Fundurinn var haldinn í Tjarnarbúð og hófst kl. 13:34. Fundinn sátu, Halldór Auðar Svansson, Inga Auðbjörg Kristjánsdóttir, Gústav Adolf B. Sigurbjörnsson, Eva Einarsdóttir, Björn Gíslason, Lára Óskarsdóttir og áheyrnarfulltrúinn Jón Ingi Gíslason. Eftirtaldir embættismenn og aðrir starfsmenn sátu fundinn: Stefán Eiríksson, Helga Björg Ragnarsdóttir og Sandra Dröfn Gylfadóttir. Fundarritari var Dagbjört Hákonardóttir. 

Þetta gerðist:

1. Lögð fram ársskýrsla umboðsmanns borgarbúa 2016-2017, ásamt áfangaskýrslu umboðsmanns borgarbúa 2016, dags. 29. júní 2016.

   Stjórnkerfis- og lýðræðisráð samþykkir að vísa ársskýrslu ásamt áfangaskýrslu umboðsmanns borgarbúa til borgarráðs.

    

   Ingi B. Poulsen tekur sæti á fundinum undir þessum lið.

   Fylgigögn

   • Ársskýrsla umboðsmanns borgarbúa, 2016-2017
   • Áfangaskýrsla umboðsmanns borgarbúa 2016, dags. 29. júní 2016

2. Lögð fram að nýju tillaga um breytta skipan í hverfisráð Reykjavíkurborgar, sbr. 4. lið fundargerðar stjórnkerfis- og lýðræðisráðs frá 30. október 2017, ásamt umsögnum hverfisráða. 
   
   Frestað.

   -    Kl. 13.58 tekur Eva Baldursdóttir sæti á fundinum.

   Fylgigögn

   • Umsagnir hverfisráða um drög að tillögu um breytta skipan í hverfisráð, febrúar 2018
   • Tillaga um breytta skipan í hverfisráð-DRÖG

3. Lögð fram svohljóðandi tillaga verkefnastjóra Hverfisins míns, dags. 12. febrúar 2018:

   Lagt er til að kosningaaldur fyrir Hverfið mitt verði lækkaður niður í 15 ár í stað 16 ára.

   Greinargerð fylgir tillögunni. R18010097. 
   
   Samþykkt.

   Unnur Margrét Arnardóttir tekur sæti á fundinum undir þessum lið. 

   Fylgigögn

   • Tillaga um lækkaðan aldur vegna kosninga í Hverfið mitt, drög
   • Hverfið mitt 2017-reglur um rafrænar kosningar, dags. 14.09.2017

4. Lögð fram svohljóðandi tillaga verkefnastjóra Hverfisins míns, dags. 12. febrúar 2018:

   Lagt er til að fagteymi umhverfis- og skipulagssviðs verði undir sérstökum kringumstæðum heimilt að meta tækar, í kosningu um Hverfið mitt 2018, hugmyndir sem varða rekstur að einhverju leyti.

   Samþykkt. 

   Unnur Margrét Arnardóttir tekur sæti á fundinum undir þessum lið. 

   Fylgigögn

   • Tillaga vegna rekstrarverkefna - Hverfið mitt, drög

5. Lögð svohljóðandi tillaga verkefnastjóra Hverfisins míns, dags. 12. febrúar 2018:

   Lagt er til að aukið samráð verði haft við hugmyndahöfunda í verkefninu Hverfið mitt 2018 á meðan hugmyndasöfnun og hugmyndamat í verkefninu stendur yfir. Haft verði samráð við ýmsa hópa og samtök í borginni um innsendingu hugmynda og hvatt til samstarfs um vinnslu hugmynda.

   Greinargerð fylgir tillögunni. R18010097. 
   
   Samþykkt. 
   
   Fjármögnunarhluta er vísað til þóknanlegrar meðferðar borgarráðs. 

   Unnur Margrét Arnardóttir tekur sæti á fundinum undir þessum lið. 
   
    

   Fylgigögn

   • Tillaga vegna verklags - Hverfið mitt, drög

Fundi slitið klukkan 15:03