Menningar- og ferðamálaráð
MENNINGARMÁLANEFND
Ár 2002, mánudaginn 24. júní, var haldinn 354. fundur menningarmálanefndar. Fundurinn var haldinn að Pósthússtræti 7, 4. hæð og hófst hann kl. 9.00. Viðstaddir voru Stefán Jón Hafstein, formaður, Ásrún Kristjánsdóttir, Ármann Jakobsson, Hanna Birna Kristjánsdóttir og Rúnar Freyr Gíslason. Auk þeirra var viðstödd Signý Pálsdóttir sem annaðist fundarritun.
1. Formaður setti fund nýskipaðrar nefndar er kosin var á fundi borgarstjórnar 20. júní og er þannig skipuð: Aðalmenn: Stefán Jón Hafstein formaður, R-lista, Ásrún Kristjánsdóttir, R-lista, Steinunn Birna Ragnarsdóttir, R -lista, Hanna Birna Kristjánsdóttir, D-lista og Rúnar Freyr Gíslason, D-lista. Varamenn: Dagur B. Eggertsson, R-lista, Friðjón Guðröðarson, R-lista, Ármann Jakobsson, R-lista, Tinna Traustadóttir, D-lista og Gísli Marteinn Baldursson, D-lista. Samþykkt var tillaga formanns um að Steinunn Birna Ragnarsdóttir yrði skipaður varaformaður.
2. Skipun í dómnefnd um val á Tónlistarhópi Reykjavíkurborgar. Steinunn Birna Ragnarsdóttir var skipuð fyrir R-lista, skipun fulltrúa D-lista, F.Í.T., B.Í.L. og F.Í.H. mun væntanlega liggja fyrir á næsta fundi.
3. Skipun eins fulltrúa í innkaupanefnd listaverka til Listasafns Reykjavíkur. Frestað.
4. Samþykkt var að eftirtöldum yrði falið að fara yfir umsóknir um starfslaun listamanna og leggja umsagnir fyrir menningarmála-nefnd á fundi í ágúst: Myndlist og hönnun: Eiríkur Þorláksson, Pjetur Stefánsson, Anna Eyjólfsdóttir. Tónlist: Kjartan Ólafsson, Margrét Bóasdóttir. Leiklist: Signý Pálsdóttir, Elísabet B. Þórisdóttir. Ritlist og leikritun: Anna Torfadóttir, Ingibjörg Rögnvaldsdóttir. Kvikmyndir og ljósmyndun: Guðný Gerður Gunnarsdóttir, María Karen Sigurðardóttir.
5 Lagt fram til kynningar erindi borgarstjóra til menningarmála-nefndar um listskreytingasjóð dags. 21. maí, með fylgigögnum. Þar kemur fram að borgarráð hafi samþykkt að stofnaður verði Listskreytingasjóður Reykjavíkurborgar sem taki til starfa í upphafi árs 2003.
6. Rædd tillaga menningarmálastjóra dags. 24.6. með tilvísun til samþykktar menningarmálanefndar 22. maí 2002, erindis borgarlögmanns til skiptaráðanda þrotabús Leikfélags Íslands 30. maí, erindis formanns Bandalags sjálfstæðra leikhúsa, 2. maí og 12. júní, erindis Vesturports 20. júní og viðræðna forsvarsmanna Loftkastalans, Vesturports og Sjálfstæðra leikhópa við menningarmálastjóra. Frestað.
7. Eftirtalin fundargögn lögð fram til kynningar: Ársskýrsla menningarmála 2001, Menningarstefna Reykjavíkurborgar prentuð 2002, Starfsáætlun menningarmála Reykjavíkurborgar 2002, Starfsáætlun menningarstofnana Reykjavíkurborgar 2002, Nýjar samþykktir fyrir menningarmálanefnd, Borgarbókasafn Reykjavíkur, Borgarskjalasafn Reykjavíkur, Listasafn Reykjavíkur, Ljósmyndasafn Reykjavíkur, Menningarmiðstöðina Gerðuberg og Minjasafn Reykjavíkur. Samþykktir fyrir menningarstofnanirnar sex voru samþykktar í borgarráði 28. maí.
8. Samþykkt að næstu fundir menningarmálanefndar verði haldnir miðvikudagana 3. júlí, 7. ágúst og 14. ágúst, tveir síðastnefndu einkum vegna afhendingar starfslauna listamanna, styrks til tónlistarhóps og Bókmenntaverðlauna Tómasar Guðmundssonar á menningarnótt 17. ágúst.
Fundi slitið kl. 11.00
Stefán Jón Hafstein
Ásrún Kristjánsdóttir Hanna Birna Kristjánsdóttir
Ármann Jakobsson Rúnar Freyr Gíslason