Menningar- og ferðamálaráð
Ár 2018, mánudaginn 26. febrúar var haldinn 299. fundur menningar- og ferðamálaráðs. Fundurinn var haldinn í Ráðhúsi Reykjavíkur og hófst hann kl. 13.30. Viðstaddir: Elsa Hrafnhildur Yeoman, Þórgnýr Thoroddsen, Eva Indriðadóttir, Aron Leví Beck, Marta Guðjónsdóttir, Börkur Gunnarsson og Auður Alfífa Ketilsdóttir. Áheyrnarfulltrúi Framsóknar og flugvallarvina: Magnús Arnar Sigurðsson. Áheyrnarfulltrúar BÍL: Jóna Hlíf Halldórsdóttir og Erling Jóhannesson. Áheyrnarfulltrúi SAF: Þórir Garðarsson. Af hálfu starfsmanna: Signý Pálsdóttir, Arna Schram, Huld Ingimarsdóttir og Inga María Leifsdóttir sem ritaði fundargerð.
Þetta gerðist:
-
Tilkynnt að Erling Jóhannesson taki sæti sem áheyrnarfulltrúi Bandalags íslenskra myndlistamanna í stað Kolbrúnar Halldórsdóttur. RMF18020016
-
Lagt fram til kynningar boðsbréf á fund menningarmálanefnda í Osló 23. -25. maí 2018. RMF18020018
Fylgigögn
-
Lagður fram til samþykktar samstarfssamningur við Samband íslenskra myndlistarmanna um fjárstuðning Reykjavíkurborgar við Mugg – tengslasjóð fyrir myndlistarmenn. RMF18020013
Samþykkt. Samningnum vísað til borgarráðs til samþykktar.
Fylgigögn
-
Fram fer kynning á Ráðstefnuborginni Reykjavík (Meet in Reykjavik). RMF15120011
Þorsteinn Örn Guðmundsson, framkvæmdastjóri Ráðstefnuborgarinnar Reykjavíkur, og Sigurjóna Sverrisdóttir, sýninga- og viðburðastjóri hjá Ráðstefnuborginni Reykjavík, taka sæti á fundinum undir þessum lið.
Fylgigögn
-
Fram fer kynning á verkefninu Iceland Naturally. RMF18020002
Þorbjörg Helga Vigfúsdóttir, formaður stjórnar Iceland Naturally, og Margrét Helga Jóhannsdóttir, verkefnastjóri hjá Íslandsstofu, taka sæti á fundinum undir þessum lið.
- Kl. 15.02 víkur Þórir Garðarsson af fundinum.
-
Fram fer kynning á dagskrá Hönnunarmars 2018, sem fram fer 15.-18. mars nk. RMF18020015
Sara Jónsdóttir, stjórnandi Hönnunarmars, tekur sæti á fundinum undir þessum lið.
-
Fram fer kynning á Vetrarhátíð 2018, sem fram fór 1.-4. febrúar sl. RMF17100004
Guðmundur Birgir Halldórsson og Björg Jónsdóttir, verkefnastjórar Vetrarhátíðar, taka sæti á fundinum undir þessum lið.
Menningar- og ferðamálaráð leggur fram svohljóðandi bókun:
Menningar- og ferðamálaráð vill koma á framfæri þakklæti til þeirra sem komu að því að skipulegga og vinna að Vetrarhátíð 2018. Þrátt fyrir rysjótt veðurfar var hátíðin vel sótt og setti fallegan og menningarlegan blæ á höfuðborgarsvæðið.
Fylgigögn
-
Lögð fram til samþykktar tilnefning SÍM á Unnari Erni Jónassyni Auðarsyni í innkaupanefnd Listasafns Reykjavíkur. RMF14110010
Samþykkt.
Fylgigögn
-
Lögð fram að nýju tillaga Framsóknar og flugvallarvina um áhorfendabekki við Sæbraut frá 11. desember 2017. Einnig lögð fram umsögn Hjalta J. Guðmundssonar, skrifstofustjóra reksturs og umhirðu borgarlandsins á umhverfis- og skipulagssviði Reykjavíkurborgar. RMF17120005
Felld með fimm atkvæðum Samfylkingar, Bjartrar framtíðar, Pírata og Vinstri grænna. Fulltrúar Sjálfstæðisflokksins sitja hjá við atkvæðagreiðsluna.
Fylgigögn
-
Lögð fram til samþykktar tillaga sviðsstjóra að skipan í hússtjórn Iðnó ásamt erindisbréfi. Stjórnina skipa Signý Pálsdóttir fulltrúi Menningar- og ferðamálasviðs Reykjavíkurborgar (MOF), Óli Jón Hertervig fulltrúi Skrifstofu eigna- og atvinnuþróunar (SEA) og René Boonekamp fulltrúi Gómsætt ehf., leigutaka Iðnó. . RMF171060011
Samþykkt.
Fylgigögn
-
Fulltrúi Sjálfstæðisflokksins leggur fram svohljóðandi fyrirspurn:
Óskað er eftir yfirliti yfir tillögur, bókanir og fyrirspurnir fulltrúa Sjálfstæðisflokksins í menningar- og ferðamálaráði frá upphafi þessa kjörtímabils til dagsins í dag. Jafnframt er óskað eftir að fram komi í yfirlitinu hvaða meðferð viðkomandi tillögur hlutu, þ.e. hvort þær voru samþykktar, felldar eða vísað eitthvað.
Fundi slitið klukkan 15:43
Marta Guðjónsdóttir