No translated content text
Menningar- og ferðamálaráð
MENNINGAR- OG FERÐAMÁLARÁÐ
Ár 2010, mánudaginn 22. febrúar, var haldinn 118. fundur menningar- og ferðamálaráðs. Fundurinn var haldinn í fundarherbergi ráðsins í Ingólfsnausti, Vesturgötu 1, 2. hæð og hófst hann kl. 14:21. Viðstaddir: Áslaug Friðriksdóttir, formaður, Sif Sigfúsdóttir, Brynjar Fransson, Jakob Hrafnsson, Dofri Hermannsson, Guðrún Erla Geirsdóttir og Davíð Stefánsson. Áheyrnarfulltrúar BÍL: Kolbrún Halldórsdóttir og Þuríður Sigurðardóttir. Af hálfu starfsmanna: Signý Pálsdóttir, Berglind Ólafsdóttir og Kristjana Nanna Jónsdóttir sem ritaði fundargerð.
Þetta gerðist:
1. Lagt fram að nýju erindi formanns stjórnar Ferðamálasamtaka höfuðborgarsvæðisins dags. 21. febrúar 2010 þar sem óskað er eftir tilnefningu tveggja fulltrúa Reykjavíkurborgar í stjórn samtakanna. Frestað frá 117. fundi 8. febrúar 2010. Samþykkt að tilnefna Áslaugu Friðriksdóttur og Dofra Hermannsson. (RMF10020004)
2. Lögð fram að nýju svohljóðandi tillaga fulltrúa Samfylkingarinnar sem frestað var á 113. fundi 8. desember 2009:
Fulltrúar Samfylkingarinnar í menningar- og ferðamálaráði leggja til að náin samvinna Menningar- og ferðamálasviðs, Skipulagssviðs, Framkvæmdasviðs og Umhverfis- og samgöngusviðs verði hafin við að bæta umbúnað og aðstöðu til útivistar, sögu og menningarupplifunar í Laugarnesi.
Samhliða hefjist vinna að verndaráætlun fyrir Laugarnes þar sem samhengis náttúru- og fornminja, sem og listræns gildis svæðisins verður virt og verndun mörkuð til framtíðar.
Sviðin sameinist um að taka frá fjármagn til þessa starfs á árinu 2010.
Tillögunni fylgdi greinargerð.
Lagt til að vísa tillögunni inn í vinnu Skipulags- og byggingarsviðs en samþykkt var á fundi skipulagsráðs dags. 2. febrúar s.l. tillaga um að hefja vinnu við yfirferð deiliskipulags og framtíðarsýnar fyrir Laugarnes sem byggir á verndun náttúru og varðveislu fornminja. Fulltrúar Skipulags- og byggingar-, Menningar- og ferðamála- og Samgöngu- og umhverfissviðs vinni að málinu. Niðurstöður vinnunnar verði kynntar í skipulags-, menningar- og ferðamála og umhverfis- og samgönguráðum. Samþykkt. (RMF09080008)
3. Lagt fram ársuppgjör Menningar- og ferðamálasviðs 2009. Skrifstofustjóri fjármála og rekstrar kynnti. Jafnframt lögð fram greinargerð með ársuppgjöri 2009 dags. 17. febrúar 2010, skorkort Menningar- og ferðamálasviðs 2009, yfirlit yfir innkaup Listasafns Reykjavíkur á árinu 2009 og sundurliðun styrkja Menningar- og ferðamálasviðs 2009.
Menningar- og ferðamálaráð óskaði bókað:
Menningar- og ferðamálaráð Reykjavíkurborgar þakkar starfsmönnum Menningar- og ferðamálasviðs fyrir vel unnin störf á nýliðnu starfsári. Uppgjör og allt almennt starf starfsmanna sviðsins og undirstofnana þess hefur verið til fyrirmyndar.
4. Lögð fram styrkumsókn Ingibjargar Finnbogadóttur dags. 1. febrúar 2010 vegna Reykjavík Fashion Festival 19. – 21. mars 2010. Frestað. (RMF09120005)
5. Lögð fram styrkumsókn Önnu Grétu Ólafsdóttur dags. 4. janúar 2010 vegna íþróttasýningarinnar Krafturinn knýr í Borgarleikhúsinu sem fram fór 20. febrúar 2010. Frestað. (RMF09120005)
6. Færeysk menningarhátíð 25. apríl 2010. Lögð fram svohljóðandi tillaga:
Menningar- og ferðamálaráð samþykkir að kanna aðkomu að Færeyskri menningarhátíð 25. apríl næst komandi. Að hátíðinni verði unnið í samstarfi við þá aðila sem komu að framkvæmd og skipulagi síðustu Færeysku hátíðarinnar sem haldin var sama dag árið 2008.
Samþykkt.
- Kl. 15.01 viku Guðrún Erla Geirsdóttir og Þuríður Sigurðardóttir af fundi.
7. Lögð fram styrkumsókn START ART dags. 14. desember 2009 vegna ,,LAUGA VEGURINN 2009 - Myndlistarsýning 33 listamanna, gjörningur Laugavegsganga“ sem fram fór 23. maí 2009 og útgáfu bókar sem lýsir verkefninu. Frestað frá 117. fundi 8. febrúar 2010. Samþykkt að styrkja útgáfuna um kr. 250.000.-
(RMF09120005)
- Kl. 15.04 komu Guðrún Erla Geirsdóttir og Þuríður Sigurðardóttir á fundinn.
8. Lögð fram styrkumsókn Menningarfélagsins Tyrkland-Ísland frá desember 2009 vegna almennrar starfsemi félagsins. Frestað frá 117. fundi 8. febrúar 2010. Menningar- og ferðamálaráð sér sér ekki fært að styrkja verkefnið. (RMF09120005)
9. Lögð fram styrkumsókn Ólafs Þórðarsonar dags. 15. janúar 2010 vegna Þjóðlagahátíðar á Kaffi Rósenberg í mars 2010. Frestað frá 117. fundi 8. febrúar 2010. Samþykkt að styrkja hátíðina um kr. 150.000.- (RMF09120005)
10. Lögð fram styrkumsókn Halim Hakan Durak dags. 1. febrúar 2010 vegna Alþjóðlegar swingdanshátíðar Arctic Lindy Exchange 9. - 15. ágúst 2010. Jafnframt lögð fram umsögn forstöðumanns Höfuðborgarstofu dags. 19. febrúar 2010. Frestað frá 117. fundi 8. febrúar 2010. Samþykkt að styrkja hátíðina um kr. 300.000.- (RMF09120005)
11. Þórunn Sigurðardóttir stjórnarformaður Ago og Höskuldur Ásgeirsson framkvæmdastjóri Portus kynntu Hörpu - Tónlistar- og ráðstefnuhús.
12. Lögð fram umsókn forsvarsmanna Víkingarhátíðar Reykjavík um leyfi til að halda Víkingahátíð á Miklatúni sumarið 2010. Umsóknin var framsend var frá borgarráði dags. 7. janúar 2010 til menningar- og ferðamálaráðs og umhverfis- og samgönguráðs. Jafnramt lögð fram umsögn forstöðumanns Höfuðborgarstofu dags. 22. febrúar 2010. Frestað. (RMF10010003)
13. Lögð fram styrkumsókn Önnu Lísu Björnsdóttur dags. 7. desember 2009 vegna útgáfu bókar um gönguleiðir á höfuðborgarsvæðinu. Jafnframt lögð fram umsögn forstöðumanns Höfuðborgarstofu dags. 19. febrúar 2010. Frestað frá 117. fundi 8. febrúar 2010. Frestað. (RMF09120005)
14. Lagt fram frumvarp til laga um Íslandsstofu.
15. Lagt fram minnisblað forstöðumanns Höfuðborgarstofu dags. 19. febrúar 2010 um afgreiðslur Höfuðborgarstofu á þeim umsóknum sem framsendar voru til hennar úr styrkumsóknum 2010. Sif Gunnarsdóttir forstöðumaður Höfuðborgarstofu kom á fundinn.
16. Lögð fram til kynningar skýrsla um Safnanótt sem fram fór 12. febrúar 2010. Sif Gunnarsdóttir forstöðumaður Höfuðborgarstofu.
Menningar- og ferðamálaráð óskaði bókað:
Menningar- og ferðamálaráð Reykjavíkurborgar þakkar Höfuðborgarstofu fyrir vel skipulagða Safnanótt sem fram fór 12. febrúar s.l. Forstöðumenn safna Reykjavíkurborgar eru sammála um að mikil aukning hafi verið á gestum safna þennan föstudag sem og helgina á eftir og að samstarf sveitarfélagana hafi tekist með mestu ágætum.
17. Kynning á verkefnum í ferða- og markaðsmálum. Sif Gunnarsdóttir forstöðumaður Höfuðborgarstofu. Frestað.
18. Þekkingarheimsóknir. Sif Gunnarsdóttir forstöðumaður Höfuðborgarstofu. Frestað.
Fundi slitið kl. 16:24
Áslaug Friðriksdóttir
Sif Sigfúsdóttir Jakob Hrafnsson
Brynjar Fransson Dofri Hermannsson
Davíð Stefánsson Guðrún Erla Geirsdóttir