Menningar-, íþrótta- og tómstundaráð - Fundur nr. 3

Menningar-, íþrótta- og tómstundaráð

Ár 2018, mánudaginn 10. september var haldinn 3. fundur menningar-, íþrótta- og tómstundaráðs. Fundurinn var haldinn í Ráðhúsi Reykjavíkur og hófst hann kl. 13.30. Viðstaddir: Pawel Bartoszek, Hjálmar Sveinsson, Sabine Leskopf, Elín Oddný Sigurðardóttir, Katrín Atladóttir, Örn Þórðarson sem varamaður fyrir Björn Gíslason og Baldur Borgþórsson. Eftirtaldir embættismenn og aðrir starfsmenn sátu fundinn: Ómar Einarsson, Arna Schram, Huld Ingimarsdóttir og Inga María Leifsdóttir sem ritaði fundargerð.

Þetta gerðist:

1. Lögð fram til kynningar samþykkt um menningar-, íþrótta- og tómstundaráð. 
   
   Ráðið gerir ekki athugasemdir við framkomin drög að samþykkt. RMF18060004

   Fylgigögn

   • Drög að samþykkt fyrir menningar-, íþrótta- og tómstundaráð

2. Lögð fram svohljóðandi tillaga menningar-, íþrótta- og tómstundaráðs: 

   Í samræmi við 5. grein samþykktar um menningar-, íþrótta- og tómstundaráð er Bandalagi íslenskra listamanna og Íþróttabandalagi Reykjavíkur heimilt að tilnefna einn áheyrnarfulltrúa hvoru félagi um sig til setu á fundum ráðsins með málfrelsi og tillögurétt. Fulltrúar BÍL og ÍBR skulu boðaðir á fundi ráðsins ef mikilvæg atriði varðandi málaflokka bandalaganna eru á dagskrá. RMF18060004

   Samþykkt.

   Fylgigögn

   • Tillaga vegna áheyrnarfulltrúa í MÍT

3. Lagt fram bréf fjármálaskrifstofu Reykjavíkurborgar, dags. 27. ágúst sl., vegna undirbúnings fjárhagsáætlunar fyrir árið 2019 og fimm ára áætlun 2019-2023, og tillaga um rammaúthlutun vegna undirbúnings fjárhagsáætlunar Reykjavíkurborgar 2019, dags. 21. ágúst sl. Einnig lögð fram tíma- og verkáætlun vegna undirbúnings og vinnslu fjárhagsáætlunar. RMF18050002 

   Fylgigögn

   • Bréf til stjórnenda A-hluta
   • Tillaga um rammaúthlutun
   • Tíma- og verkáætlun fjárhagsáætlunar

4. Fram fer umræða um drög að gjaldskrá menningar- og ferðamálasviðs fyrir árið 2019. RMF18050003

5. Fram fer umræða um drög að gjaldskrá íþrótta- og tómstundasviðs fyrir árið 2019.

6. Lögð fram umsögn sviðsstjóra menningar- og ferðamálasviðs og íþrótta- og tómstundasviðs um styrkbeiðni barnahátíðarinnar Kátt á Klambra. RMF18090001

   Menningar-, íþrótta- og tómstundaráð leggur fram svohljóðandi bókun:

   Menningar-, íþrótta- og tómstundaráð tekur undir efni umsagnar sviðsstjóra og vísar henni til borgarráðs.

   -    Kl. 14:37 víkur Ómar Einarsson af fundinum.

   Fylgigögn

   • Umsögn um styrkbeiðni Kátt á klambra

7. Lögð fram greinargerð um framkvæmd 17. júní í Reykjavík 2018. RMF18030003

   Björg Jónsdóttir, verkefnastjóri viðburða, og Sif Gunnarsdóttir, skrifstofustjóri menningarmála, taka sæti á fundinum undir þessum lið.

   Fylgigögn

   • Skýrsla vegna 17. júní 2018

8. Fram fer kynning á Hönnunarmars 2018. RMF16080010

   Halla Helgadóttir, framkvæmdastjóri Hönnunarmiðstöðvar Íslands, og Ástþór Helgason, nýráðinn stjórnandi Hönnunarmars, taka sæti á fundinum undir þessum lið.

   Fylgigögn

   • Hönnunarmars skýrsla 2018

9. Fram fer umræða um viðburðastefnu menningar- og ferðamálasviðs sem nú er í undirbúningi. RMF17110005

   Sif Gunnarsdóttir, skrifstofustjóri menningarmála, tekur sæti á fundinum undir þessum lið.

10. Lögð fram trúnaðarmerkt skipan í ráðgefandi faghóp um styrki úr borgarsjóði á sviði menningarmála 2019. Trúnaðarmál þar til úthlutun styrkja hefur verið gerð opinber. RMF18080005
    
    Samþykkt.

11. Lögð fram bréf Rithöfundasambands Íslands og Reykjavíkur Bókmenntaborgar UNESCO með tilnefningum í dómnefnd Barnabókaverðlauna Guðrúnar Helgadóttur. Lagt er til að Sabine Leskopf taki sæti í dómnefndinni fyrir hönd menningar-, íþrótta- og tómstundaráðs. RMF18040006
    
    Samþykkt.

    Fylgigögn

    • Tilnefning Rithöfundasambands Íslands í dómnefnd vegna Barnabókaverðlauna Guðrúnar Helgadóttur
    • Tilnefning Reykjavíkur Bókmenntaborgar UNESCO í dómnefnd vegna Barnabókaverðlauna Guðrúnar Helgadóttur

12. Lagt fram bréf Minjastofnunar Íslands dags. 17. júlí 2018 og afrit af bréfi Minjastofnunar Íslands til Alta dags. 17. júlí 2018 um fornleifar á fyrirhuguðu athafnasvæði Björgunar í Álfsnesvík við Þerneyjarsund. RMF18080007

    Guðbrandur Benediktsson, safnstjóri Borgarsögusafns Reykjavíkur, og Anna Lísa Guðmundsdóttir, verkefnastjóri fornleifa á Borgarsögusafni, taka sæti á fundinum undir þessum lið.

    Fylgigögn

    • Afrit af bréfi MInjastofnunar Íslands til Alta dags. 17. júlí 2018
    • Bréf MInjastofnunar Íslands til borgarráðs dags. 17. júlí 2018

Fundi slitið klukkan 16:06

Pawel Bartoszek Hjálmar Sveinsson

Sabine Leskopf