Mannréttindaráð
Ár 2009, 25. júní kl. 12:00 var haldinn 29. fundur mannréttindaráðs. Fundurinn var haldinn í Ráðhúsi Reykjavíkur. Þá voru mætt: Marta Guðjónsdóttir, Björn Gíslason, Felix Bergsson, Falasteen Abu Libdeh, Jóhann Björnsson og Salvör Gissurardóttir. Jafnframt sátu fundinn Anna Kristinsdóttir mannréttindastjóri og Jóna Vigdís Kristinsdóttir sem ritaði fundargerð.
Þetta gerðist:
1. Vegvísir um aðgengismöguleika - erindi frá borgarráði. Erindinu vísað til aðgengisnefndar Reykjavíkurborgar.
2. Aðgerðaráætlun í mannréttindamálum - drög frá síðasta fundi lögð fram til kynningar.
3. Rannsókn á þróun launamunar hjá Reykjavíkurborg 1999-2007, unnin af Önnu Borgþórsdóttur, minnisblað lagt fram.
4. Frístundakort. Kynning á notkun frístundakorta eftir aldri og hverfum lögð fram.
5. Könnun á viðhorfi til mismunar á Íslandi unnin af Capacent Gallup lögð fram.
6. Styrkumsóknir:
• Hexia ehf. afþakkar áður samþykktan styrk mannréttindaráðs frá 14. maí 2009 að upphæð kr. 250.000,-
• Karlahópur Femínistafélags Íslands sækir um styrk vegna átaksins „ Karlmenn segja NEI við nauðgunum. Samþykkt að veita styrk að upphæð kr. 160.000,-
• Umsókn frá Mirru vegna rannsókna á árangri og skilvirkni íslenskukennslu fyrir innflytjendur í umönnunarstörfum. Mannréttindaráð telur sér ekki fært að styrkja verkefnið að þessu sinni en bendir á að næst verði auglýst eftir styrkumsóknum til ráðsins í september 2009.
7. Kynning á viðhorfskönnun starfsmanna Reykjavíkurborgar. Freyr Halldórsson frá mannauðsskrifstofu fór yfir helstu niðurstöður.
8. Svar Skipulags-og byggingarsviðs Reykjavíkurborgar við fyrirspurn mannréttindaráðs varðandi byggingarrétt trúfélaga lagt fram.
9. Fjölmenningardagur Reykjavíkurborgar 16. maí 2009.
Bókun mannréttindaráðs:
Mannréttindaráð fagnar því hversu vel Fjölmenningardagur Reykjavíkur heppnaðist. Um þrjú þúsund manns tóku þátt í fjölþjóðagöngu og talið er að 5 þúsund gestir hafi mætt á dagskrá hátíðarinnar í Ráðhúsi og Iðnó. Verkefnisstjórn og listamönnum er þakkað fyrir þeirra framlag í að gera þennan dag jafn glæsilegan og raun bar vitni. Vonir standa til að þessi dagur eigi eftir að festast í sessi og auðga enn frekar mannlíf og menningu í borginni.
Fundi slitið kl. 13.30
Marta Guðjónsdóttir
Björn Gíslason Jóhann Björnsson
Falasteen Abu Libdeh Felix Bergsson
Salvör Gissurardóttir