Mannréttindaráð
JAFNRÉTTISNEFND
Ár 2001, föstudaginn 12. október, var haldinn 222. fundur Jafnréttisnefndar Reykjavíkur. Fundurinn var haldinn að Háteigsvegi 26, Reykjavík, og hófst kl. 19.00. Viðstaddir voru: Kristín Blöndal, Anna Kristinsdóttir, Hrannar B. Arnarsson og Svanhildur H. Valsdóttir. Jafnframt sat fundinn Hildur Jónsdóttir jafnréttisráðgjafi, sem ritaði fundargerð.
Þetta gerðist:
1. Jafnréttisráðgjafi kynnti stöðu verkefnisins Hins gullna jafnvægis. Lögð fram drög að dagskrá lokaráðstefnu þess, dags. 12.09.2001, ásamt drögum að kostnaðaráætlun. Þá kynnti jafnréttisráðgjafi áætlun um verkefnismat það sem Rannsóknarstofa í kvennafræðum hefur tekið að sér að framkvæma, en það verður lagt fyrir borgarráð. Nefndarmenn lýstu mikilli ánægju með þá vinnu sem innt hefur verið af hendi nú þegar sem og áætlanir um verkþætti er tengjast lokum verkefnisins.
2. Jafnréttisráðgjafi kynnti dagskrárdrög vegna landsfundar jafnréttisnefnda sem haldinn verður á Hvolsvelli 19. og 20. október n.k. Samþykkt að öllum nefndarmönnum verði gert kleift að mæta á fundinn.
3. Formaður kynnti boð til hennar og jafnréttisráðgjafa frá menningarmálaráðu- neyti Þýskalands á evrópskan fund eða colloquium, um alþjóðavæðingu, fjölmenningarþjóðfélög, lýðræði og þjóðerni, sem haldinn verður á Ítalíu 28. - 30. september n.k., en ferðir og uppihald er að mestu greitt af fundarboðendum. Jafnréttisráðgjafi upplýsti að þar sem hún hefði ekki treyst sér til að þiggja boðið hefði hún kannað hvort fundarboðendur heimiluðu að það yrði þegið af öðrum, en fékk afsvar. Samþykkt að formaður þægi boðið og að dagpeningar yrðu greiddir af jafnréttisnefnd.
4. Hugarflug um nýja jafnréttisáætlun. Rætt einkum um kosti og galla þess að víkka út jafnréttishugtakið og þar með starfssvið jafnréttisráðgjafa.
Anna Kristinsdóttir vék af fundi kl. 21.30.
Jafnréttisráðgjafi varaði við breytigum að þessu leyti án þess að greint yrði hver áhrif þeirra yrðu á starfslega, skipulagslega og fjárhagslega þætti, þannig að ekki yrði í stefnubreytingu ráðist án þess að aðstæður til að fylgja henni eftir og axla aukna ábyrgð yrðu tryggðar.
Fundi slitið kl. 23.00.
Kristín Blöndal
Hrannar B. Arnarsson Svanhildur H.Valsdóttir