Íþrótta- og tómstundaráð
ÍÞRÓTTA- OG TÓMSTUNDARÁÐ
Ár 2015, fimmtudaginn 12. mars var haldinn 222. fundur íþrótta- og tómstundaráðs Reykjavíkur. Fundurinn var haldinn í Hofi Höfðatorgi og hófst hann kl. 13:10. Viðstaddir: Þórgnýr Thoroddsen formaður, Eva Einarsdóttir, Tomasz Chrapek og Trausti Harðarson. Einnig: Ómar Einarsson sviðsstjóri, Andrés Bögebjerg Andreasen fjármálastjóri Gísli Árni Eggertsson skrifstofustjóri og Helga Björnsdóttir skrifstofustjóri sem skrifaði fundargerð.
Þetta gerðist:
1. Lögð fram skýrsla sérstakrar stjórnar ferðaþjónustu fatlaðra dags. 5. mars sl.
2. Lögð fram að nýju tillaga fulltrúa Samfylkingar, Bjartrar Framtíðar, Vinstri grænna og Pírata frá síðasta fundi liður 6 um samráðsvettvang um hjólabrettamál og aðrar jaðaríþróttir:
Fulltrúar Samfylkingar, Bjartrar framtíðar, Vinstri grænna og Pírata leggja til að komið verði á samráðsvettvangi um hjólabrettamál og aðrar jaðaríþróttir. Foreldrar, frístundamiðstöðvar, Skóla- og frístundasvið og Íþrótta- og tómstundasvið skulu eiga fulltrúa í hópnum. Markmið hópsins verði að gera drög að mögulegri framtíðarstefnu Reykjavíkur í málefnum iðkenda í hjólabrettaíþróttinni og öðrum jaðaríþróttum.
Lögð fram eftirfarandi bókun fulltrúa Framsóknar og flugvallarvina:
Samkvæmt Æskulýðsrannsókninni Ungt fólk 2014 / Grunnskólar frá Mennta- og menningarmálaráðuneytinu 2014, þá kemur fram: „Ný rannsókn á áhrifum íþróttaiðkunar leiðir í ljós að íþróttaiðkun með skipulögðum hætti með íþróttafélagi hefur verndandi áhrif gegn áfengisneyslu, á meðan íþróttaiðkun með óskipulögðum hætti eins og til dæmis líkamsrækt eykur líkur á áfengisneyslu. Það að starfið sé formbundið, er lykilatriði.“ Það er því nauðsynlegt að skipulag og umgjörð utan um hjólabrettamál og aðrar jaðaríþróttir sé sett í skipulagt umhverfi og /eða sé formbundið.
Kl. 13:25 komu Marta Guðjónsdóttir og Kjartan Magnússon á fundinn.
3. Lagt fram bréf sviðsstjóra dags. 9. mars sl. vegna tillögur Framsóknar og flugvallarvina frá síðasta fundi vegna Frístundamiðstöðva.
Frestað.
4. Lögð fram eftirfarandi tillaga fulltrúa Framsóknar og flugvallarvina:
Í tilefni þess að í ár fagnar Reykjavíkurborg 100 ára afmæli kosningarréttar kvenna á Íslandi þá mun ÍTR láta gera jafnlaunaúttekt innan sviðsins og skal ÍTR vera búið að ná svo staðfest verði jafnlaunavottun á afmælisárinu 2015.
5. Lögð fram rekstrarniðurstaða ársins 2014. Fjármálastjóri kynnti niðurstöðuna og svaraði fyrirspurnum.
6. Starfsdagur var í framhaldi fundarins.
kl. 14:20 kom Eva Baldursdóttir á fundinn.
kl. 14:35 kom Hermann Valsson á fundinn.
Fundi slitið kl. 15.42
Þórgnýr Thoroddsen
Eva Einarsdóttir Tomasz Chrapek
Trausti Harðarson Eva Baldursdóttir
Kjartan Magnússon Marta Guðjónsdóttir
PDF útgáfa fundargerðar
Íþrótta- og tómstundaráð 12.3.2015 - prentvæn útgáfa