No translated content text
Innkauparáð – starfaði til 2020
Leiðréttur liður 1, í fundargerð. STJÓRN INNKAUPASTOFNUNAR Ár 2002, föstudaginn 7. júní kl. 9:00 f.h., var haldinn 1615 fundur í stjórn Innkaupastofnunar Reykjavíkurborgar að Fríkirkjuvegi 3. Viðstaddir voru auk forstjóra, Sjafnar Kristjánsdóttur: Alfreð Þorsteinsson, Helgi Pétursson, Jóhanna Sigríður Eyjólfsdóttir, Haukur Leósson og Jóna Gróa Sigurðardóttir. Fundarritari var Marinó Þorsteinsson. Þetta gerðist: 1. Lagt fram bréf Fræðslumiðstöðvar Reykjavíkur, dags. 31. f.m. og viðbótarupplýsingar um gæðaröðun, ódags. varðandi kaup og uppsetningu á tölvum fyrir grunnskóla og Fræðslumiðstöð, skv. útboði (EES). (Frestað á síðasta fundi). H.L. og J.G.S. lögðu fram eftirfarandi tillögu: Þar sem framkomin tilboð komu mjög seint til stjórnar Innkaupastofnunar hefur ekki unnist tími til að vinna úr gefnum upplýsingum tölvudeildar og ráðgjafa hennar, þar sem fram kemur að taka beri næstlægsta tilboði. Lægstbjóðandi er eitt stærsta fyrirtæki í upplýsingatækni á landinu og býður þekkta og vandaða vöru, sem viðurkennt er að hefur eina lægstu bilanatíðni í heiminum. Það er því mjög vafasamt að hafna lægsta tilboði þessara aðila og velja annan, sérstaklega þegar umboð pólitískra fulltrúa Innkaupastofnunar er nánast runnið út og leggjum við til að málinu verði frestað. Tillagan felld með 3 atkvæðum gegn 2. Samþykkt með 3 atkvæðum, J.G.S. og H.L. sátu hjá, að leggja til við borgarráð að tilboði EJS hf, kr. 54.852.600,- verði tekið. A.Þ., H.P. og J.S.E. óskuðu bókað: Við samþykkjum tillögu Fræðslumiðstöðvar Reykjavíkur um kaup á DELL tölvum frá EJS hf., enda teljum við að að baki tillögunni liggi vandlegur samanburður þar sem hagsmunir nemenda og skólayfirvalda hafa verið hafðir að leiðarljósi. Jón I. Valdimarsson, Guðbjörg Andrea Jónsdóttir og Sigþór Örn Guðmundsson mættu á fundinn vegna málsins. 2. Lagt fram bréf Fræðslumiðstöðvar Reykjavíkur, dags. 29. f.m., varðandi kaup á ljósritunarvélum fyrir Rimaskóla, skv. verðkönnun. (Frestað á síðasta fundi). Samþykkt að taka tilboði Pennans hf. að upphæð kr. 1.437.000,-. 3. Lagt fram bréf Gatnamálastofu Reykjavíkur, dags. 6. þ.m., varðandi tilboð í “Ýmis smærri verkefni II”, skv. útboði. Samþykkt að leggja til við borgarráð að tilboði EP vélaleigu ehf. kr. 29.556.938,- verði tekið. 4. Lagt fram bréf Gatnamálastofu Reykjavíkur, dags. 6. þ.m., varðandi heimild til að ganga til samninga við Hlaðbæ-Colas hf, um malbiksyfirlagnir. Samningsupphæð allt að 30 mkr. Samþykkt að leggja til við borgarráð að samningurinn verði gerður. Sigurður I. Skarphéðinsson mætti á fundinn vegna mála 3-4. 5. Lagt fram bréf Fasteignastofu Reykjavíkurborgar, dags. 7. þ.m., varðandi tilboð í endurnýjun á sjúkrakallkerfi í Seljahlíð, skv. útboði. Samþykkt að taka tilboði Austurbakka hf. að upphæð kr. 9.247.899,-. 6. Lagður fram úrskurður kærunefndar útboðsmála, dags. 4. þ.m., í máli nr. 8/2002 AB Pípulagnir ehf. gegn Reykjavíkurborg. 7. Útboðsauglýsingar: FAS – Breiðholtsskóli – frágangur lóðar. FAS – Tæki fyrir mötuneytiseldhús í Hólabrekkuskóla. OVR – Lagning dreifikerfis hitaveitu fyrir Grímsnesveitu. OVR – Framkvæmdir við Grímsnesveitu OVR – Lagning stofnlagnar hitaveitu. Fundi slitið kl. 12:00 Alfreð Þorsteinsson Helgi Pétursson Jóhanna Sigríður Eyjólfsdóttir Haukur Leósson Jóna Gróa Sigurðardóttir.