Íbúaráð Vesturbæjar
Ár 2020, miðvikudaginn, 20. maí var haldinn 5. fundur íbúaráðs Vesturbæjar. Fundurinn var haldinn á Tjarnargötu 12 og hófst kl. 15.08. Fundinn sátu Birgir Þröstur Jóhannsson og Theódór Ingi Ólafsson. Eftirtaldir fulltrúar tóku sæti á fundinum með fjarfundarbúnaði með vísan til heimilda í auglýsingu nr. 230/2020 um ákvörðun samgöngu- og sveitastjórnarráðherra skv. VI. bráðabirgðarákvæðis sveitarstjórnarlaga, nr. 138/2011: Skúli Helgason, Hildur Björnsdóttir, Ásta Olga Magnúsdóttir og Björn Karlsson. Fundinn sat einnig Heimir Snær Guðmundsson sem ritaði fundargerð.
Þetta gerðist:
-
Lagt fram bréf til nefnda og ráða Reykjavíkurborgar frá skrifstofu borgarstjórnar dags. 29. apríl 2020, um samþykkt borgarstjórnar á tillögu um heimildir til frávika frá skilyrðum sveitastjórnarlaga vegna neyðarástands í sveitarfélögum – notkun fjarfundarbúnaðar.
Fylgigögn
-
Lagt fram bréf skrifstofu borgarstjórnar dags. 22. apríl 2020 þar sem fram kemur að borgarstjórn hafi á fundi sínum 21. apríl 2020 samþykkt að Birgir Þröstur Jóhannsson taki sæti í íbúaráði Vesturbæjar í stað Svafars Helgasonar og að Helga Ösp Jóhannsdóttir taki sæti sem varamaður í ráðinu í stað Birgis. Jafnframt var samþykkt að Birgir verði formaður ráðsins.
Fylgigögn
-
Fram fer kynning á Hverfið mitt og samþykktum tillögum í hverfinu haustið 2019.
Sigurlaug Anna Jóhannsdóttir tekur sæti á fundinum undir þessum lið með fjarfundarbúnaði.
Fylgigögn
-
Lögð fram af vef Reykjavíkurborgar ódags. tillaga að breytingu á deiliskipulagi Vesturbæjarlaugar, lóð nr. 54 við Hofsvallagötu.
Fulltrúi Pírata, fulltrúi íbúasamtaka og fulltrúi foreldrafélaga í ráðinu leggja fram sameiginlega umsögn.
Fylgigögn
-
Lagt fram bréf umhverfis- og skipulagssviðs Reykjavíkurborgar dags. 21. apríl 2020 vegna skipulagslýsingar fyrir Dunhaga, Hjarðarhaga, og Tómasarhaga fyrir gerð nýs deiliskipulags fyrir svæði sem afmarkast af Dunhaga 18-20, Hjarðarhaga 27-33 og Tómasarhaga 32-46.
Fulltrúi Pírata og fulltrúi íbúasamtaka í ráðinu leggja fram sameiginlega umsögn.
Fylgigögn
-
Lagt fram bréf stýrihóps um innleiðingu íbúaráða dags.18. febrúar 2020 um tillögu Flokks fólksins um að íbúaráðin finni leiðir til að auka samvinnu við stofnanir í hverfum þeirra.
Fylgigögn
-
Lagt fram svar mannréttinda- og lýðræðisskrifstofu dags. 11. mars 2020 við fyrirspurn íbúaráðs Vesturbæjar, sbr. 8. lið fundargerðar ráðsins frá 19. febrúar 2020.
-
Lagt fram svar mannréttinda- og lýðræðisskrifstofu dags. 5. mars 2020 við fyrirspurn íbúaráðs Breiðholts um aðgang að lokaskýrslum vegna styrkja úr hverfissjóði.
Fylgigögn
-
Lögð fram tillaga borgarstjóra dags. 28. apríl 2020 sem samþykkt var í borgarráði sbr. 23. lið fundargerðar ráðsins 30. apríl 2020. Í tillögunni er íbúaráðum borgarinnar veittar 30 milljónum kr. til að úthluta til verkefna sem hafa það að markmiði að efla hverfisanda, mannlíf og menningu sumarið 2020.
Fylgigögn
-
Lögð fram verkáætlun Reykjavíkurborgar ódags. af vef Reykjavíkurborgar um vorhreinsanir á götum og gönguleiðum í hverfinu.
Fylgigögn
-
Fram fer umræða um samkeppni um listverk í almannarými í Vesturbæ.
-
Fram fer umræða um aðkomu íbúaráða að fjárfestinga- og viðhaldsáætlunum Reykjavíkurborgar.
Fylgigögn
-
Fram fer umræða um sumarleyfi íbúaráðs Vesturbæjar.
-
Fram fer umræða um málefni hverfisins.
- 16.23 Hildur Björnsdóttir víkur af fundi.
-
Lagt fram yfirlit mannréttinda- og lýðræðisskrifstofu yfir umsóknir í hverfissjóð 2019 í Vesturbæ. Þessi liður fundarins er lokaður.
- 16.25 Ásta Olga Magnúsdóttir víkur af fundi.
-
Umsóknir í hverfissjóð lagðar fram til afgreiðslu. Þessi liður fundarins er lokaður.
Umsóknum ýmist hafnað eða afgreiðslu frestað.Fylgigögn
-
Íbúaráð Vesturbæjar leggur fram svohljóðandi málsmeðferðartillögu:
Formanni í samráði við ráðið falið að leita umsagnar viðkomandi fagsviðs-/ráðs varðandi umsókn í hverfissjóð.
Samþykkt.
Fundi slitið klukkan 17:02
Skúli Helgason
PDF útgáfa fundargerðar
ibuarad_vesturbaejar_2005.pdf