Íbúaráð Laugardals - Fundur nr. 9

Íbúaráð Laugardals

Ár 2020, mánudaginn 14. september, var haldinn 9. fundur Íbúaráð Laugardals. Fundurinn var haldinn í Ráðhúsi Reykjavíkur (Tjarnarbúð) og hófst klukkan 13:09. Viðstödd voru Kristín Elfa Guðnadóttir, María Gestsdóttir, Katrín Atladóttir, Ásbjörn Ólafsson, Ísak Andri Ólafsson. Fundarritari: Sigurlaug Anna Jóhannsdóttir

Þetta gerðist:

1. Lagt fram bréf skrifstofu borgarstjórnar, dags. 2. september 2020, þar sem samþykkt var á fundi borgarstjórnar þann 1. september s.l., að Kristín Soffía Jónsdóttir taki sæti í íbúaráði Laugardals í stað Sabine Leskopf. R19090039

   Fylgigögn

   • Kosning í íbúaráð Laugardals

2. Lagt fram bréf til fagráða frá skrifstofu borgarstjórnar dags. 1. september 2020, um samþykkt borgarstjórnar á tillögu um heimildir til frávika frá skilyrðum sveitastjórnarlaga vegna neyðarástands í sveitarfélögum – notkun fjarfundarbúnaðar. R18060129.

   Fylgigögn

   • Bréf skrifstofu borgarstjórnar til ráða og nefnda
   • Tillaga um heimildir til frávika frá skilyrðum sveitarstjórnarlaga vegna neyðarástands í sveitarfélagi
   • Auglýsing - leiðbeiningar um notkun fjarfundarbúnaðar á fundum sveitarstjórna.

3. Lagt fram bréf mannréttinda- og lýðræðisskrifstofu dags. 14. september 2020, um breytingar á reglum um úthlutun hverfissjóðs Reykjavíkurborgar.

   Fylgigögn

   • Bréf mannréttinda- og lýðræðisskrifstofu
   • Úthlutunarreglur hverfissjóðs

4. Fram fer kynning á starfsemi þjónustumiðstöðvar Laugardals- og Háaleitis og samstarfi við íbúaráð Laugardals.

   Íbúaráð Laugardals leggur fram svohljóðandi bókun:

   Íbúaráð Laugardals þakkar fyrir góða kynningu á starfsemi Þjónustumiðstöðvar Laugardals og Háaleitis og hlakkar til áframhaldandi góðs samstarfs við miðstöðina.

   Unnur Halldórsdóttir tekur sæti á fundinum með fjarfundarbúnaði undir þessum lið.

5. Fram fer kynning á skýrslu um þjónustu stofnana í hverfinu við innflytjendur og flóttafólk.

   Íbúaráð Laugardals leggur fram svohljóðandi bókun:

   Íbúaráð Laugardals þakkar fyrir áhugaverða kynningu á rannsókn sumarstarfsfólks á vegum Reykjavíkurborgar á þjónustu í borgarhlutanum við innflytjendur og flóttafólk og þær frábæru hugmyndir og vinnu sem spratt upp úr verkefninu.

   Dmitriv Shamkuts tekur sæti á fundinum með fjarfundarbúnaði undir þessum lið.

   Fylgigögn

   • Skýrsla um þjónustu stofnana í hverfinu við innflytjendur og flóttafólk.

6. Lagt fram bréf umhverfis- og skipulagssviðs Reykjavíkurborgar dags. 4. september 2020, með beiðni um umsögn íbúaráðs Laugardals vegna hámarkshraðaáætlunar Reykjavíkurborgar. 

   Íbúaráð Laugardals leggur fram svohljóðandi bókun:

   Íbúaráð Laugardals fagnar tillögu um hámarkshraðaáætlun í Laugardal og mun veita umsögn fyrir 14. október eftir að hafa ráðfært sig við íbúa.

   Fylgigögn

   • Bréf umhverfis- og skipulagssviðs

7. Lagt fram svar heilbrigðiseftirlits Reykjavíkur ódags. við fyrirspurn íbúaráðs Laugardals um yfirgefna bíla við Laugardalsvöll, sbr. 11. lið fundargerðar ráðsins frá 8. júní 2020.

   Fylgigögn

   • Svar við fyrirspurn
   • Fyrirspurn

8. Lagt fram svar umhverfis- og skipulagssviðs dags. 22. júní 2020, við fyrirspurn íbúaráðs Laugardals um gáma við Ármannsheimilið, sbr. 15. lið fundargerðar ráðsins frá 11. maí 2020.

   Fylgigögn

   • Svar við fyrirspurn
   • Fyrirspurn

9. Lagt fram svar umhverfis- og skipulagssviðs dags. 16. júlí 2020, við fyrirspurn íbúaráðs Laugardals um ákvarðanir og áætlanir tengdum Laugarnestanga, sbr. 11. lið fundargerðar ráðsins frá 8. júní 2020.

   Íbúaráð Laugardals leggur fram svohljóðandi bókun:

   Íbúaráð Laugardals óskar eftir íbúafjarfundi með Reykjavíkurborg nú á haustmánuðum um a) landfyllingu í Laugarnesi og b) starfsemi Vöku á svæðinu.

   Fylgigögn

   • Svar við fyrirspurn
   • Fyrirspurn

10. Fram fer umræða um málefni hverfisins.

11. Fram fer umræða um aðstöðu fyrir innanhússíþróttir.

    Lögð fram svohljóðandi spurning frá íbúa í streymi: 

    Er eitthvað að frétta af eilífðarmálinu sem er aðstaða fyrir innanhúsíþróttir fyrir íbúa Laugardals og aðliggjandi hverfa?

    Íbúaráð Laugardals leggur fram svohljóðandi bókun:

    Íbúaráð Laugardals þakkar Sigurði Þórðarsyni góða fyrirspurn um stöðu innanhússíþrótta í borgarhlutanum. Ný forgangsröðun við uppbyggingu íþróttamannvirkja í Reykjavík var samþykkt í borgarráði 3. september. Þar var nýtt íþróttahús í Laugardal í 2. sæti. Íbúaráðið mun fylgja málinu eftir.

12. Lagðar fram til afgreiðslu styrkumsóknir í hverfissjóð Reykjavíkurborgar. Þessi liður fundarins er lokaður. 

    Öllum styrkumsóknum er hafnað.

    María Gestsdóttir víkur af fundinum undir þessum lið.

    Fylgigögn

    • Úthlutunarreglur hverfissjóðs
    • Styrkjahandbók Reykjavíkurborgar

13. Fulltrúi Pírata leggur fram svohljóðandi fyrirspurn:

    Fulltrúi Pírata í íbúaráði Laugardals óskar eftir upplýsingum um hvert íbúar eigi að snúa sér á meðan beðið er gáma við Langholtsveg/Holtaveg og hvenær vænta megi gámanna.

    Vísað til umhverfis- og skipulagssviðs.

Fundi slitið klukkan 19:28