Íbúaráð Kjalarness - Fundur nr. 31

Íbúaráð Kjalarness

Ár 2022, fimmtudaginn 13. október, var haldinn 31. fundur íbúaráðs Kjalarness. Fundurinn var opinn og haldinn í Klébergsskóla og hófst kl. 16.04. Eftirfarandi íbúaráðsfulltrúar voru mættir: Kristjana Þórarinsdóttir, Ingiríður Halldórsdóttir, Þorkell Sigurlaugsson, Hildur Guðbjörnsdóttir, Olga Ellen Þorsteinsdóttir og Guðfinna Ármannsdóttir. Fundinn sat einnig Heimir Snær Guðmundsson sem ritaði fundargerð sem og Ragnar Harðarson.

Þetta gerðist:

1. Lagt fram bréf skrifstofu borgarstjórnar dags. 21. september 2022 um kosningu í íbúaráð Kjalarness þar sem tilkynnt er að Þorkell Sigurlaugsson taki sæti Egils Þór Jónssonar í ráðinu og Helga Margrét Marzellíusardóttir taki sæti varamanns í stað Þorkels.  MSS22060060

   Fylgigögn

   • Bréf skrifstofu borgarstjórnar - Kosning í íbúaráð Kjalarness

2. Lögð fram tilnefning íbúasamtaka í íbúaráð Kjalarness. Arnar Grétarsson tekur sæti varamanns í íbúaráði Kjalarness fyrir hönd íbúasamtaka. MSS22080029

   Fylgigögn

   • Tilnefning íbúasamtaka

3. Lagt fram bréf skrifstofu borgarstjórnar dags. 12. september 2022 um breytingu á samþykkt fyrir íbúaráð Reykjavíkurborgar ásamt fylgiskjali. MSS22080241

   Fylgigögn

   • Bréf skrifstofu borgarstjórnar - breyting á samþykkt fyrir íbúaráð Reykjavíkur
   • Samþykkt fyrir íbúaráð Reykjavíkur

4. Lagt fram bréf mannréttinda- og lýðræðisskrifstofu dags. 12. september um hugmyndasöfnun í Hverfið mitt 2022-2023. MSS22020075

   Fylgigögn

   • Bréf mannréttinda- og lýðræðisskrifstofu - Hugmyndasöfnun í Hverfið mitt 2022-2023

5. Fram fer umræða um Römpum upp Ísland og ábendingar á Kjalarnesi. MSS22020088
   Lagðar fram ábendingar íbúaráðs Kjalarness. 

   Fylgigögn

   • Ábendingar íbúaráðs Kjalarness vegna Römpum upp Ísland

6. Lagt fram bréf umhverfis- og skipulagssviðs dags. 26. september 2022 vegna auglýsingu á tillögu að breytingu á deiliskipulagi lóðarinnar nr. 1. við Gullsléttu. MSS22080214
   Formanni í samráði við ráðið falið að kanna málið nánar og eftir atvikum skila athugasemdum ráðsins fyrir tilskilinn frest þann 8. nóvember nk. 

   Fylgigögn

   • Bréf umhverfis- og skipulagssviðs

7. Fram fer umræða um málefni bókabílsins. MSS22100060

   Íbúaráð Kjalarnes leggur fram svohljóðandi bókun:

   Við í íbúaráði Kjalarness viljum koma á framfæri við menningar,- íþrótta,- og tómstundaráð að mikilvægt er að tryggja aðgengi að bókum á Kjalarnesi. Þær hugmyndir hafa heyrst að loka eigi bókabílnum. Við viljum minna á að hér þurfi allir að eiga aðgang að bókum hvort sem það er í formi bóka bíls eða bókasafns sem gæti verið í Fólkvangi.

8. Fram fer umræða um minnisvarða um brostinn loforð. MSS22100069

9. Fram fer umræða um álit Skipulagsstofnunar um mat á umhverfisáhrifum á framleiðsluaukningu Stjörnueggja að Vallá. MSS22100070
   Formanni falið að afla upplýsinga um hvar málið er statt.

   Íbúaráð Kjalarness leggur fram svohljóðandi bókun: 

   Íbúar hafa komið á framfæri áhyggjum af stækkun hænsnabúsins á Vallá

10. Fram fer umræða um starfsleyfi Skotveiðifélags Reykjavíkur og nágrennis fyrir skotvöll í Álfsnesi. MSS22100061

    Fylgigögn

    • Tímabundið starfsleyfi fyrir skotvöll í Álfsnesi

11. Fram fer umræða um þjónustu strætó á leið 57. MSS22010202
    Formanni falið að afla upplýsingum um málið. 

12. Lagt fram erindi íbúa í hverfinu dags. 6. október 2022 um móttöku málma á grenndarstöð á Vallargrund. MSS22100059

    Íbúaráð Kjalarness leggur fram svohljóðandi bókun:

    Tekið er heilshugar undir ábendingar íbúans og forsvarsmenn Sorpu bs. hvattir til að bregðast við og tryggja að hægt verði að taka við málmum á grenndarstöð í Grundarhverfi.  

    Fylgigögn

    • Erindi íbúa í hverinu - Móttaka málma á grenndarstöð

13. Fram fer umræða um aðgengi íbúa og samstarf við íbúaráð Kjalarness. MSS22100062

14. Lagt fram bréf starfshóps um greiningu á tækifærum til haftengdrar upplifunar og útivistar fyrir almenning í Reykjavík dags. 12. október 2022 með beiðni um hugmyndir og framtíðarsýn um haftengda upplifun og útivist á strandlengjunni. USK22090017
    Frestað. 

    Fylgigögn

    • Bréf starfshóps um greiningu á tækifærum til haftengdrar upplifunar og útivistar fyrir almenning í Reykjavík
    • Erindisbréf starfshóps um greiningu á tækifærum til haftengdrar upplifunar og útivistar fyrir almenning í Reykjavík

15. Lagt fram bréf umhverfis- og skipulagssviðs dags. 11. október 2022 vegna auglýsingu á tillögu að breytingu á deiliskipulagi Kjalarnes, Jörfi/Norðurgrund. MSS22080068
    Frestað. 

    Fylgigögn

    • Bréf umhverfis- og skipulagssviðs vegna auglýsingar á tillögu að breytingu á deiliskipulagi Kjalarnes, Jörfi/Norðurgrund

16. Fram fer umræða um málefni hverfisins. MSS20090034

17. Íbúaráð Kjalarness leggur fram svohljóðandi fyrirspurn:

    Óskað er upplýsinga um hvort standi til að leggja niður starfsemi bókabílsins? 

    MSS22100060

    Vísað til umsagnar menningar- og ferðamálasviðs. 

Fundi slitið kl. 18.12

Kristjana Þórarinsdóttir Ingiríður Halldórsdóttir

Þorkell Sigurlaugsson Hildur Guðbjörnsdóttir

Olga Ellen Þorsteinsdóttir Guðfinna Ármannsdóttir

PDF útgáfa fundargerðar
31. Fundargerð íbúaráðs Kjalarness frá 13. október 2022.pdf