Íbúaráð Kjalarness - Fundur nr. 14

Íbúaráð Kjalarness

Ár 2021, fimmtudaginn 11. mars, var haldinn 14. fundur íbúaráðs Kjalarness. Fundurinn var haldinn í Ráðhúsi Reykjavíkur - Tjarnarbúð með fjarfundarbúnaði og hófst kl. 17.04. Viðstödd var Sigrún Jóhannsdóttir. Eftirtaldir fulltrúar tóku sæti á fundinum með fjarfundarbúnaði með vísan til heimilda í auglýsingu nr. 1436/2020 um ákvörðun samgöngu- og sveitastjórnarráðherra skv. VI. bráðabirgðarákvæðis sveitarstjórnarlaga, nr. 138/2011: Marta Guðjónsdóttir, Ólafur Þór Zoega og Rósmundur Sævarsson. Fundinn sátu einnig Heimir Snær Guðmundsson sem ritaði fundargerð og Ingibjörg Þ. Sigurþórsdóttir sem tók sæti á fundinum með fjarfundarbúnaði.

Þetta gerðist:

1. Lagt fram bréf skrifstofu borgarstjórnar dags. 17. febrúar 2021 - Heimildir til frávika frá skilyrðum sveitarstjórnarlaga vegna neyðarástands í sveitarfélagi - notkun fjarfundabúnaðar, ásamt fylgiskjölum.

   Fylgigögn

   • Bréf skrifstofu borgarstjórnar
   • Tillaga um heimildir til frávika frá skilyrðum sveitarstjórnarlaga vegna neyðarástands í sveitarfélagi
   • Auglýsing - leiðbeiningar um notkun fjarfundarbúnaðar á fundum sveitarstjórna.
   • Auglýsing - ákvörðun samgöngu- og sveitarstjórnarráðherra

2. Lagt fram bréf ódags. vegna slembivals í íbúaráð Kjalarness. Jón Arnar Halldórsson tekur sæti sem slembivalinn varamaður í íbúaráði Kjalarness. 

   Fylgigögn

   • Slembivalinn varamaður í íbúaráði Kjalarness

3. Lagt fram erindi Björgunarsveitarinnar Kjalar dags. 1, mars 2020 um athugasemdir við rýmingaráætlun almannavarna. 

   Íbúaráð Kjalarness leggur fram svohljóðandi bókun:

   Íbúaráð Kjalarness harmar það að Kjalarnes hafi gleymst í rýmingaráætlun almannavarna. Þá vekur athygli þegar kort af stofnbrautum er skoðað í rýmingaráætluninni er Sundabraut sýnd með, sem ekki er ennþá kominn, og merkt inn sem raunveruleg flóttaleið. Íbúaráðið minnir á að Kjalarnesið er hluti af Reykjavík og höfuðborgarsvæðisins og hefur því miður gleymst allt of oft þegar fjallað er um málefni sem snerta íbúa Reykjavíkur.

   Fylgigögn

   • Erindi Björgunarsveitarinnar Kjalar vegna athugasemda við rýmingaráætlun almannavarna.

4. Fram fer umræða um grasslátt, snjómokstur og hreinsun gatna í borgarhlutanum auk yfirferðar með borgarvefsjá.

   Íbúaráð Kjalarness leggur fram svohljóðandi bókun:

   Íbúaráð Kjalarness óskar eftir að upplýsingar um hreinsun gatna og stíga á Kjalarnesi verði sett inn á borgarvefsjá líkt og í öðrum hverfum borgarinnar.

   -    17:13 tekur Sigurborg Ósk Haraldsdóttir sæti á fundinum. 

   Fylgigögn

   • Vefsíða Reykjavíkurborgar - grassláttur
   • Vefsíða Reykjavíkurborgar - hreinsun gatna og gönguleiða
   • Vefsíða Reykjavíkurborgar - snjóhreinsun og hálkuvarnir
   • Þjónustuhandbók - vetrarþjónusta

5. Lögð fram tillaga borgarstjóra dags. 16. febrúar 2021 í borgarráði um Borgina okkar 2021, þar sem gert er ráð fyrir 30 milljón kr. umsóknarpotti vegna viðburða í hverfunum sem íbúaráð úthluta.

   Fylgigögn

   • Tillaga borgarstjóra: Borgin okkar 2021

6. Lagt fram erindi stýrihóps um aðgengisstefnu dags. 3. mars 2021 vegna vinnu við aðgengisstefnu og opnun samráðsvettvangs á betrireykjavik.is.

   Fylgigögn

   • Erindi stýrihóps um aðgengisstefnu

7. Lagt fram svar fjármála- og áhættustýringarsviðs dags. 3. mars 2021, við fyrirspurn íbúaráðs Kjalarness um framgang verkefna í skýrslu starfshóps íbúaráðs Kjalarness við fjárhagsáætlunargerð sbr. 14. liður fundargerðar ráðsins frá 14. janúar 2021.

   Fylgigögn

   • Svar fjármála- og áhættustýringarsviðs

8. Lögð fram svohljóðandi tillaga fulltrúa Vinstri grænna dags. 11. mars 2021: 

   Íbúaráð Kjalarness leggur til að skýrslu starfshóps íbúaráðs Kjalarness um úrlausn umbótaverkefna á Kjalarnesi verði vísað til meðferðar fagsviða borgarinnar. Óskað er eftir að fagsviðin veiti verkefnum fjármagn í yfirstandandi og komandi fjárhagsáætlunarvinnu fyrir árið 2022 í eftirtalin verkefni: 
   
   Umhverfis- og skipulagssvið:
   
   Verkefni 1: 13.000.000 kr. í gerð ofanflóða hættumats gagnvart mannvirkjagerð og í framhaldi unnið að áhættumati útivistarsvæða á Kjalarnesi og vöktunaráætlun vegna snjóflóða- og skriðufallahættu. 
   
   Verkefni 8: 100.000 kr. í sebrabraut til kennslu fyrir yngstu nemendur Klébergsskóla og leikskóla við aðkeyrslu að íþróttahúsi. 
   
   Verkefni 13: 25.000.000 kr. í Skólahreystibraut við íþróttahúsið. Vakin er athygli á því að útgáfa af þessari hugmynd gæti komið til framkvæmdar í tengslum við kosningar í íbúalýðræðisverkefninu Hverfið mitt. Sú ákvörðun mun liggja fyrir í nóvember 2021.
   
   Verkefni 16: 3.500.000 -4.500.000 í merkingu sögustaða á 3-5 árum. Hugsanlegt samstarfs umhverfis- og skipulagssviðs og menningar- og ferðamálasviðs. 
   
   Verkefni 17: 80.000.000-95.000.000 kr í varðveislu og verndun Arnarhamars- og Kollafjarðarrétt og tenging og uppbygging vegna útivistar. Hugsanlegt samstarfs umhverfis- og skipulagssviðs og menningar- og ferðamálasviðs. 
   
   Verkefni 22: 6.000.000 kr í kortlagningu stígakerfis, útfærsla og samstarf við Skógræktarfélag Reykjavíkur og Skógræktarfélag Kjalarness. 
   
   Verkefni 23-24: 3.000.000 – 4.000.000 kr í fyrsta áfanga skógræktaráætlunar. 
   
   Velferðarsvið: 
   
   Verkefni 20: 3.300.000 kr vegna útfærslu Miðgarðs á félagsstarfi eldri borgara á Kjalarnesi, skipulagning námskeiða og sætaferðir fyrir eldri borgara á milli Fólkvangs á Kjalarnesi og Grafarvogs.
   
   Menningar- og ferðamálasvið:
   
   Verkefni 16: 3.500.000 -4.500.000 kr í merkingu sögustaða á 3-5 árum. Hugsanlegt samstarfs umhverfis- og skipulagssviðs og menningar- og ferðamálasviðs. 
   
   Verkefni 17: 80.000.000-95.000.000 kr í varðveislu og verndun Arnarhamars- og Kollafjarðarrétt og tenging og uppbygging vegna útivistar. Hugsanlegt samstarfs umhverfis- og skipulagssviðs og menningar- og ferðamálasviðs. 
   
   Verkefni 32: 1.000.000 kr í skipulagningu, aðstoð við undirbúning og fjármögnun Kjalarnesdagsins. 

   Greinargerð fylgir tillögunni. 
   
   Vísað til umsagnar Íbúasamtaka Kjalarness.

   Fylgigögn

   • Tillaga fulltrúa Vinstri grænna um að fagsvið Reykjavíkurborgar veiti fjármagn í úrlausn umbótaverkefna

9. Lagt fram bréf umhverfis- og skipulagssviðs dags. 19. febrúar 2021 vegna draga að breytingu á aðalskipulagi Reykjavíkur vegna tillögu að legu Borgarlínu og tillögu að staðsetningu kjarnastöðva. 

   Fylgigögn

   • Bréf umhverfis- og skipulagssviðs
   • Drög að breytingum á aðalskipulagi vegna 1. lotu Borgarlínu
   • Borgarlína - 1. lota. Forsendur og frumdrög

10. Lagt fram bréf umhverfis- og skipulagssviðs dags. 11. febrúar 2021 vegna auglýsingar á tillögu að deiliskipulagi fyrir Kjalarnes, Nesvík. 

11. Fram fer kynning á starfsemi Björgunarsveitarinnar Kjalar á Kjalarnesi. 

    Adam Benedikt Finnsson tekur sæti á fundinum undir þessum lið með fjarfundarbúnaði.

    Fylgigögn

    • Kynning - Björgunarsveitin Kjölur

12. Lögð fram umsögn íbúaráðs Kjalarness dags. 11. mars 2021, um tillögu að starfsleyfisskilyrðum fyrir Skotveiðifélag Reykjavíkur og nágrennis, fyrir skotvöll í Álfsnesi. 
    
    Samþykkt

    Fylgigögn

    • Umsögn íbúaráðs Kjalarness um tillögu að starfsleyfisskilyrðum fyrir Skotveiðifélag Reykjavíkur og nágrennis

13. Fram fer umræða um málefni Kjalarness.

14. Lögð fram svohljóðandi tillaga íbúaráðs Kjalarness dags. 11. mars: 

    Íbúaráð Kjalarness leggur til við borgarráð að gerð verði úttekt á heimreiðum í dreifbýli á Kjalarnesi og gerðar úrbætur þar sem þörf er á slíku. 

    Greinargerð fylgir tillögunni.
    
    Samþykkt og vísað til borgarráðs. 

    Fylgigögn

    • Tillaga íbúaráðs Kjalarness dags 11. mars 2021 um úttekt og úrbætur á heimreiðum á Kjalarnesi

Fundi slitið klukkan 18:59

Marta Guðjónsdóttir

PDF útgáfa fundargerðar
ibuarad_kjalarness_1103.pdf