Íbúaráð Háaleitis- og Bústaðahverfis
Ár 2021, fimmtudaginn, 28. janúar, var haldinn 13. fundur íbúaráðs Háaleitis- og Bústaðahverfis. Fundurinn var haldin með fjarfundarbúnaði og hófst kl. 16.02. Eftirtaldir fulltrúar tóku sæti á fundinum með fjarfundarbúnaði með vísan til heimilda í auglýsingu nr. 1076/2020 um ákvörðun samgöngu- og sveitastjórnarráðherra skv. VI. bráðabirgðarákvæðis sveitarstjórnarlaga, nr. 138/2011: Dóra Magnúsdóttir, Gústav Adolf Bergmann, Jóhanna Kristín Jóhannesdóttir, Guðrún Elísabet Ómarsdóttir og Hilmar Jónsson. Fundinn sátu einnig með fjarfundarbúnaði Heimir Snær Guðmundsson sem ritaði fundargerð og Aðalbjörg Traustadóttir.
Þetta gerðist:
-
Lagðar fram sameiginlegar tilnefningar foreldrafélaga í hverfinu um fulltrúa í íbúaráð Háaleitis- og Bústaðahverfis. Guðrún Elísabet Ómarsdóttir tekur sæti aðalmanns fulltrúa foreldrafélaga í hverfinu í stað Bylgju Björnsdóttur sem tekur sæti varamanns í stað Valgerðar S. Pálsdóttur.
Fylgigögn
-
Fram fer kynning á framkvæmdum neðst á Bústaðavegi.
Kristinn Arnbjörnsson og Róbert Guðmundur Eyjólfsson taka sæti á fundinum undir þessum lið með fjarfundarbúnaði.
Fylgigögn
-
Fram fer umræða um málefni Breiðagerðisskóla.
- Kl. 16.30 tekur Sólveig Bjarney Daníelsdóttir sæti á fundinum.
-
Lögð fram drög að umsögn íbúaráðs Háaleitis- og Bústaðahverfis dags. 28. janúar 2020 um Stefnu um framtíðarskipan tónlistarnáms í Reykjavík til 2030.
Samþykkt.Fylgigögn
-
Lagt fram erindi íbúa í hverfinu dags. 18. janúar 2021 um umferðarhraða í Álmgerði og Hlyngerði.
Íbúaráð Háaleitis- og Bústaðahverfis leggur fram svohljóðandi bókun:
Íbúaráð Háaleitis og Bústaða tekur undir áhyggjur íbúa vegna umferðarhraða í Álmgerði. Gatan tekur við af Hæðargarði vestan Grensásvegar og hafa íbúar ítrekað látið í ljós áhyggjur sínar vegna umferðarhraða í götunum. Nú síðast á þræði í íbúagrúppu Bústaða (108 RVK – hverfagrúbba) á Facebook 26. janúar (252 læk og 48 ummæli) þar sem íbúar eru allir á sama máli. Sá hraðakstur sem íbúi tíundar er á pari við of hraðan akstur í Hæðargarði og ræddur var á vettvangi Hverfisráðs Háaleitis og Bústaða í nokkur skipti 2014 – 2018 en ekki þótti ástæða til að bregðast við þó í götunni sé leikskóli, grunnskóli og félagsmiðstöð aldraðra og mikið um börn og eldri borgara á gangi. Íbúaráð Háaleitis og Bústaða fer þess á leit að farið verði í umfangsmiklar hraðamælingar í Álmgerði og Hæðargarði og lausnir skoðaðar hið fyrsta til að draga úr of hröðum akstri á þessum götum vegna ítrekaðra óska íbúa. Með vísan í ályktun foreldrafélags Réttarholtsskóla dags. 28.1.2021 þar sem lýst er of miklum umferðarhraða í ofangreindum götum ásamt Sogavegi og Réttarholtsvegi óskar ráðið eftir að síðastnefndu göturnar verði hluti af hraðamælingum. Ráðið óskar eftir að fá niðurstöður mælinga eins fljótt og kostur er.
Fylgigögn
-
Lagt fram erindi íbúa í hverfinu dags. 18. janúar 2021 um umferðarhraða á Háaleitisbraut.
Íbúaráð Háaleitis- og Bústaðahverfis leggur fram svohljóðandi bókun:
Íbúaráð Háaleitis og Bústaða fer þess á leit að farið verði í ítarlegar mælingar á umferðarhraða á syðri hluta Háaleitisbrautar. Brautin er tvær reinar á hvora átt á þessum kafla, og líkist hraðbraut í miðju íbúðahverfi. Sumir íbúar sem búa nálægt telja að bílar aki þarna í sumum tilfellum mjög hratt. Syðri hluti Háaleitisbrautar er í miðju íbúðahverfi og fjölmörg börn fara yfir götuna á degi hverjum til að fara í skóla og tómstundir og því mikilvægt að hraðinn verði mældur og gripið verði til aðgerða fljótt reynist hraðinn vera eins mikill og íbúa telja.
Fylgigögn
-
Lagt fram erindi íbúa dags. 29. desember 2020 um skipulagsmál á horni Safamýrar og Háaleitisbrautar.
Fylgigögn
-
Fram fer umræða um málefni hverfisins
Fundi slitið klukkan 17:41
Jóhanna Kristín Jóhannesdóttir
PDF útgáfa fundargerðar
ibuarad_haleitis-_og_bustada_2801.pdf