Íbúaráð Grafarvogs - Fundur nr. 45

Íbúaráð Grafarvogs

Ár 2024, mánudagurinn, 8. janúar, var haldinn 45. fundur íbúaráðs Grafarvogs. Fundurinn var haldinn í Hinu húsinu og hófst kl. 16.35. Eftirtaldir fulltrúar voru viðstaddir: Fanný Gunnarsdóttir, Árni Guðmundsson, Erla Bára Ragnarsdóttir, Ingimar Þór Friðriksson, Kjartan Magnússon og Tómas Örn Guðlaugsson. Fundinn sat einnig Sigurlaug Anna Jóhannsdóttir sem ritaði fundargerð,

Þetta gerðist:

1. Fram fer kynning á starfsemi Hins Hússins. MSS22090034

   Böðvar Nielsen tók sæti á fundinum undir þessum lið fundarins. 

2. Fram fer kynning á starfsemi félagsmiðstöðvarinnar Hallarinnar. MSS22090034
   
   Frestað

3. Lögð fram að nýju tillaga fulltrúa Sjálfstæðisflokksins um skipan starfshóps um úttekt á umferðaröryggismálum í hverfinu, sbr. 6. liður fundargerð íbúaráðs Grafarvogs frá 2. október 2023. MSS23100025
   
   Samþykkt

   Fylgigögn

   • Tillaga fulltrúa Sjálfstæðisflokks um skipun starfshóps um úttekt á umferðaröryggismálum í hverfinu

4. Lögð fram drög að erindisbréfi starfshóps um úttekt á umferðaröryggismálum í hverfinu, sbr. 3. liður fundargerðar íbúaráðs Grafarvogs 8. janúar 2024. MSS23100025
   
   Samþykkt

   Fylgigögn

   • Erindisbréfi starfshóps um úttekt á umferðaröryggismálum í hverfinu

5. Lagt fram fundadagatal íbúaráðs Grafarvogs – vor 2024. MSS22090031
   
   Samþykkt með þeirri breytingu að ráðið fundi 8. apríl í stað 2. apríl. 

   Fylgigögn

   • Fundadagatal íbúaráðs Grafarvogs vor 2024

6. Fram fer umræða um málefni hverfisins. MSS22090034

7. Fram fer umræða um hátíðarlokanir sundlauga í hverfinu. MSS24010096

   Fulltrúar Sjálfstæðisflokks og íbúasamtaka Grafarvogs leggja fram svohljóðandi bókun:

   Íbúaráð Grafarvogs gerir athugasemd við miklar lokanir Grafarvogslaugar um nýliðin jól og áramót. Grafarvogslaug var lokuð í fimm daga á tímabilinu: Þorláksmessu, aðfangadag, jóladag, annan í jólum og nýársdag. Af sundlaugum Reykjavíkurborgar voru aðeins Grafarvogslaug og Dalslaug í Úlfarsárdal lokaðar í svo marga daga á umræddu tímabili. Íbúaráð Grafarvogs óskar eindregið eftir því að betur verði staðið að opnun Grafarvogslaugar um næstu jól enda ljóst að sundlaugarferðir eru sjálfsagður hluti af jóla- og áramótahaldi margra Grafarvogsbúa.

Fundi slitið kl. 18:18

Fanný Gunnarsdóttir Ingimar Þór Friðriksson

Kjartan Magnússon Árni Guðmundsson

Erla Bára Ragnarsdóttir Tómas Örn Guðlaugsson

PDF útgáfa fundargerðar
Fundargerð íbúaráðs Grafarvogs 8. janúar 2024