Forsætisnefnd - Fundur nr. 343

Forsætisnefnd

Ár 2024, föstudaginn 7. júní, var haldinn 343. fundur forsætisnefndar. Fundurinn var haldinn í Ráðhúsi Reykjavíkur og hófst kl. 10:06. Viðstödd voru Þórdís Lóa Þórhallsdóttir, Líf Magneudóttir Magnea Gná Jónansdóttir. Eftirtaldir áheyrnarfulltrúar tóku sæti á fundinum: Andrea Helgadóttir og Helga Þórðardóttir. Eftirtaldir fulltrúar og áheyrnarfulltrúar tóku sæti á fundinum með rafrænum hætti með vísan til heimildar í 1. málsl. 1. mgr. 54. gr. samþykktar um stjórn Reykjavíkurborgar og fundarsköp borgarstjórnar sbr. 3. mgr. 17. gr. sveitarstjórnarlaga nr. 138/2011: Alexandra Briem, Marta Guðjónsdóttir og Skúli Helgason. Eftirtaldir starfsmenn og embættismenn sátu fundinn: Helga Björk Laxdal, Ólöf Magnúsdóttir sem ritaði fundargerð.

Þetta gerðist:

1. Lögð fram drög að dagskrá fundar borgarstjórnar 11. júní 2024.
   
   Forsætisnefnd óskar eftir að eftirtalin mál verði tekin á dagskrá sem sérstakir dagskrárliðir með vísan til samþykktar um stjórn Reykjavíkurborgar og fundarsköp borgarstjórnar:
   
   a) Umræða um framtíðarskipulag skóla í Laugardal 
   
   b) Umræða um greiðslukerfi strætófargjalda gagnvart öryrkjum (að beiðni borgarfulltrúa Sósíalistaflokks Íslands)
   
   c) Tillaga Flokks fólksins um sviðsmynd 1 við framtíðaruppbyggingu skólastarfs í Laugardal
   
   d) Umræða um gjaldskyld bílastæði í Reykjavík (að beiðni borgarfulltrúa Sjálfstæðisflokksins)
   
   e) Umræða um starfsaðstæður leik- og grunnskólakennara (að beiðni borgarfulltrúa Flokks fólksins) MSS24010053

   Fylgigögn

   • Dagskrá borgarstjórnar

2. Lagt fram bréf skrifstofu borgarstjórnar, dags. 6. júní 2024, varðandi fundadagatali borgarstjórnar og forsætisnefndar frá júlí 2024 til og með júní 2025.
   
   Vísað til borgarstjórnar.

   Fylgigögn

   • Fundadagatal borgarstjórnar 2024-2025

3. Lagt fram bréf skrifstofu borgarstjórnar, dags. 5. júní 2024, varðandi veikindaleyfi Trausta Breiðfjörð Magnússonar.

   Fylgigögn

   • Bréf skrifstofu borgarstjórnar

4. Lagt fram að nýju bréf umhverfis- og skipulagssviðs, dags. 11. apríl 2024, varðandi samþykkt um meðhöndlun úrgangs í Reykjavík, sbr. 7. lið fundargerð borgarstjórnar frá 23. apríl 2024.
   
   Vísað til borgarstjórnar. 

   Fylgigögn

   • Bréf umhverfis- og skipulagssviðs

5. Lagt fram erindi skrifstofu borgarstjóra og borgarritara, dags. 30. maí 2024, varðandi  þátttöku Reykjavíkurborgar í alþjóðlegum rannsóknar- og nýsköpunarverkefnum.
   
   Erindið er samþykkt.
   
   Harpa Sif Eyjólfsdóttir og Kamma Thordarson taka sæti á fundinum undir þessum lið. 

6. Áheyrnarfulltrú Flokks fólksins leggur fram svohljóðandi tillögu:

   Fulltrúi Flokks fólksins leggur til að greinargerðir með málum flokkanna séu gerð skýrari skil í fundargerðum. Lagt er til að ávallt sé sérstakur hlekkur inn á greinargerðina sjálfa þar sem hún er aldrei að fullu birt í fundargerð. Einnig sé sá hlekkur undir „fylgiskjöl“ sem öllu jafna er merktur „tillaga eða fyrirspurn“ merktur  „tillaga x ásamt greinargerð“ og undir þeim hlekk megi sjá tillöguna ásamt greinargerð sem fylgir. 

   Greinargerð fylgir tillögunni.
   
   Frestað. MSS24060029

   Fylgigögn

   • Tillaga áheyrnarfulltrúa Flokks fólksins ásamt greinargerð

Fundi slitið kl. 10:42

Þórdís Lóa Þórhallsdóttir Líf Magneudóttir

Magnea Gná Jóhannsdóttir Marta Guðjónsdóttir

Skúli Helgason

PDF útgáfa fundargerðar
Forsætisnefnd 7.6.2024 - prentvæn útgáfa