Fjölmenningarráð - Fundur nr. 65

Fjölmenningarráð

Ár 2023, þriðjudaginn 28. nóvember var haldinn 65. fundur fjölmenningarráðs Reykjavíkurborgar. Fundurinn var í Ráðhúsi Reykjavíkur og hófst kl.15.03. Fundinn sátu Magnea Gná Jóhannsdóttir, Helgi Áss Grétarsson, Christina Anna Milcher, Milan Chang Gudjonsson. Eftirtaldir fulltrúar tóku sæti á fundinum með rafrænum hætti með vísan til heimildar í 2. málsl. 4. mgr. 44. gr. samþykktar um stjórn Reykjavíkurborgar og fundarsköp borgarstjórnar sbr. 3. mgr. 17. gr. sveitarstjórnarlaga nr. 138/2011: Monika Gabriela Bereza. Einnig sat fundinn Anna Kristinsdóttir. Joanna Marcinkowska ritaði fundargerð.

Þetta gerðist:

1. Fram fer umræða um utanumhald um fjölmenningasamfélag á óvissutímum.

   Fjölmenningarráð leggur fram svohljóðandi bókun:

   Fjölmenningarráð hvetur Reykjavíkurborg og önnur stjórnvöld til þess að huga vel að upplýsingagjöf til fjölmenningarsamfélagsins þegar óvissuástand skapast, til dæmis vegna heilbrigðis- eða náttúruvár. Það sama á við um gerð viðbragðsáætlana. Mikilvægt er að tryggja skilvirka upplýsingagjöf til íbúa sem hafa annað móðurmál en íslensku, t.d. að veiting upplýsinganna sé á tungumáli sem íbúarnir skilja. Huga þarf að því að tengslanet stjórnvalda við fjölmenningarsamfélagið sé öflugt, m.a. í því skyni að miðla upplýsingum áfram um náttúruvá til innflytjenda.

   MSS22090148

2. Lagt fram bréf þjónustu- og nýsköpunarsviðs dags. 8.nóvember sl. þar sem óskað er umsagnar fjölmenningarráðs um drög að stafrænni stefnu Reykjavíkurborgar.

   Samþykkt að fela formanni fjölmenningarráðs að vinna drög að umsögn um stefnuna í samráði við fulltrúa fjölmenningarráðs.

   Eva Pandora Baldursdóttir tekur sæti á fundinum undir þessum lið. ÞON23010021

   Fylgigögn

   • Bréf
   • Stafræn stefna drög
   • Digital Strategy draft
   • Greinagerð
   • Kynning

3. Fram fer umræða um könnun Félagsvísindastofnunnar, Einangrun eldra fólks – greining á einangrun og einmanaleika eldra fólks eftir uppruna. MSS23100054

   Fylgigögn

   • Niðurstöður Félagsvisindastofnunar

4. Fram fer umræða um grænbók um málefni innflytjenda og flóttafólks.

   Samþykkt að fela formanni fjölmenningarráðs að vinna drög að umsögn um Grænbók í samráði við fulltrúa fjölmenningarráð.MSS23110080

   Fylgigögn

   • Grænbók í málefnum innflytjenda og flóttafólks
   • Green Paper on Matters of Immigrants and Refugees
   • Zielona księga w sprawie imigrantów i uchodźców

5. Lagður fram samningur Reykjavíkurborgar um móðurmálkennslu, sbr. samþykkt borgarráðs þann 19.október sl.

   Fjölmenningarráð leggur fram svohljóðandi bókun:

   Fjölmenningarráð fagnar samningi Reykjavíkurborgar við Samtökin Móðurmál og Vinasamtök pólska skólans um móðurmálskennslu. Samningurinn er mikilvægur liður í því að tryggja reykvískum börnum með annað móðurmál en íslensku gjaldfrjálsa móðurmálskennslu. Í því felst viðurkenning á náminu sem fullgildu námi og tryggir um leið að foreldrar barna með annað móðurmál en íslensku geti nú nýtt frístundastyrkinn til að greiða fyrir frístundastarf barna í stað þess að nýta hann til greiða fyrir nám.

   SFS23090177

   Fylgigögn

   • Samningur

6. Fram fer kynning um ráðstefnu Fjölmenningarborga sem fram fór í Bilbao á Spáni í nóvember 2023. MSS23030140

   Fylgigögn

   • Minnisblað

Fundi slitið kl. 16.27

Magnea Gná Jóhannsdóttir Helgi Áss Grétarsson

Milan Chang Monika Gabriela Bereza

PDF útgáfa fundargerðar
Fjölmenningarráð 28.11.2023 - prentvæn útgáfa