Ferlinefnd fatlaðs fólks
Ár 2017, fimmtudaginn 9. febrúar, var haldinn 29. fundur ferlinefndar fatlaðs fólks. Fundurinn var haldinn í Ráðhúsi Reykjavíkur og hófst kl. 11.37. Fundinn sátu: Magnús Már Guðmundsson, Lilja Sveinsdóttir, Ingólfur Már Magnússon, Ragnheiður Gunnarsdóttir, Ragnhildur G. Guðmundsdóttir og Grétar Pétur Geirsson. Fundinn sátu einnig eftirtaldir starfsmenn: Ólafur Ólafsson og Tómas Ingi Adolfsson, sem einnig var fundarritari.
Þetta gerðist:
1. Lögð fram kostnaðaráætlun og uppdráttur frá umhverfis- og skipulagssviði, dags. 9. febrúar 2017, vegna bílastæða fyrir fólk með hreyfihömlun við Árbæjarsafn.
2. Fram fer kynning á framkvæmdum á útisvæði við leikskólann Bakkaborg. Ólafur Ólafsson kynnir.
Ferlinefnd leggur fram svohljóðandi bókun:
Ferlinefnd þakkar fyrir kynningu á endurgerð og viðhaldsframkvæmdum við lóð og bílastæði leikskólans Bakkaborgar í Breiðholti. Nefndin fagnar því að um leið séu tröppur við innganga aflagaðar og að aðgengi skuli vera bætt með skábrautum.
3. Lagt fram svar frá umhverfis- og skipulagssviði, dags. 25. janúar 2017, við fyrirspurn frá fulltrúa Öryrkjabandalags Íslands, dags. 9. nóvember 2016, um hljóðmerkjabúnað við gönguljós í Reykjavík.
4. Fram fer umræða um aðgengisdag.
5. Fram fer umræða um tillögu að endurskoðun á samþykkt ferlinefndar.
Fundi slitið kl. 12.30
Magnús Már Guðmundsson
Ingólfur Már Magnússon Lilja Sveinsdóttir
Ragnheiður Gunnarsdóttir Grétar Pétur Geirsson
Ragnhildur G. Guðmundsdóttir