Ferlinefnd fatlaðs fólks
Ár 2016, fimmtudaginn 19. maí, var haldinn 21. fundur ferlinefndar fatlaðs fólks. Fundurinn var haldinn í Ráðhúsi Reykjavíkur og hófst kl. 11:40. Fundinn sátu: Magnús Már Guðmundsson, Ingólfur Már Magnússon, Snædís Rán Hjartardóttir, Ragnhildur G. Guðmundsdóttir og Bryndís Snæbjörnsdóttir. Fundinn sátu einnig eftirtaldir starfsmenn: Anna Kristinsdóttir, Ólafur Ólafsson og Tómas Ingi Adolfsson, sem einnig var fundarritari.
Þetta gerðist:
1. Lagt er fram svar frá umhverfis- og skipulagssviði, dags. 3.5.2016, við fyrirspurn ferlinefndar, dags. 14.4.2016, til Vegagerðarinnar.
Ferlinefnd leggur fram svohljóðandi bókun:
Ferlinefnd óskar eftir því að fá á sinn fund fulltrúa frá umhverfis- og skipulagssviði til að greina frá verklagi Reykjavíkurborgar þegar kemur að aðgengismálum við gatnamót og einkum staðsetningu hljóðmerkja. Nefndinni hafa borist ábendingar um að við fjölmörg gatnamót í borginni eru hljóðmerki í ólagi.
- Grétar Pétur Geirsson tekur sæti á fundinum kl. 11:44.
- Ragnheiður Gunnarsdóttir tekur sæti á fundinum kl. 11:45.
2. Lagt er fram erindi, dags. 6.5.2016, frá ráðgjafa á Þjónustumiðstöð Laugardals og Háaleitis, varðandi aðgengismál í húsnæði á vegum Félagsbústaða.
Ferlinefnd felur formanni og starfsmanni nefndarinnar að fylgja umræðum á fundinum eftir svo að hægt verði að leysa mál þessarar tilteknu fjölskyldu sem allra fyrst og koma með upplýsingar um framvindu málsins á næsta fund.
Samþykkt.
3. Fram fer umræða um tilnefningu ferlinefndar í stýrihóp um heildstæða stefnu í aðgengismálum.
Ferlinefnd samþykkir að formaður ferlinefndar taki sæti í stýrihópnum fyrir hönd nefndarinnar.
4. Fram fer umræða um mótun stefnu í aðgengismálum.
5. Fram fer umræða um tillögur að gerð aðgengisúttekta í Sæmundarskóla, Hólabrekkuskóla, Austurbæjarskóla og Breiðagerðisskóla.
Tillaga um að aðgengisúttektir verði gerðar á skólunum samþykkt.
6. Fram fer kynning á aðgengismálum í Norðlingaskóla.
Harpa Cilia Ingólfsdóttir tekur sæti á fundinum undir þessum lið.
- Ragnhildur G. Guðmundsdóttir víkur af fundi kl. 13:04.
Fundi slitið kl. 13:13
Magnús Már Guðmundsson
Snædís Rán Hjartardóttir Grétar Pétur Geirsson
Ingólfur Már Magnússon Ragnheiður Gunnarsdóttir
Bryndís Snæbjörnsdóttir