Ferlinefnd fatlaðs fólks
Ár 2014, fimmtudaginn 6. nóvember, var haldinn 2. fundur ferlinefndar fatlaðs fólks. Fundurinn var haldinn í Ráðhúsi Reykjavíkur og hófst kl. 11:33. Fundinn sátu: Kristín Soffía Jónsdóttir, Ragnheiður Gunnarsdóttir, Arnar Helgi Lárusson, Heiðdís Dögg Eiríksdóttir, Lilja Sveinsdóttir, Ragnhildur Guðmundsdóttir og Bryndís Snæbjörnsdóttir. Fundinn sátu einnig eftirtaldir starfsmenn: Magnús Haraldsson og Tómas Ingi Adolfsson, sem einnig var fundarritari.
Þetta gerðist:
1. Fram fer umræða um aðgengismál í Selásskóla.
Lagðar eru fram myndir af stöðum þar sem laga þarf aðgengi ásamt sundurliðaðri kostnaðaráætlun.
Lagt er til að fela fulltrúa umhverfis- og skipulagssviðs að vinna kostnaðaráætlun fyrir framkvæmdina.
Samþykkt.
2. Fram fer umræða um aðgengismál í Bíó Paradís.
Lagður er fram aðaluppdráttur byggingarfulltrúa af Hverfisgötu 54, dags. 18.1.2011, ásamt meðfylgjandi myndum.
Ferlinefnd leggur áherslu á að bæta aðgengi að Bíó Paradís hið fyrsta í samstarfi við viðeigandi aðila.
Lagt er til að fulltrúi umhverfis- og skipulagssviðs vinni málið áfram.
Samþykkt.
3. Fram fer umræða um bílastæðamál.
Lögð er fram mynd af bílastæðum fyrir hreyfihamlaða við Breiðholtslaug.
Lagt er til að fá kynningu á aðgengismálum í Breiðholtslaug á næsta fundi.
Samþykkt.
Lagt er til að fela fulltrúa umhverfis- og skipulagssviðs endurbætur á bílastæði við Ráðhús.
Samþykkt.
Fundi slitið kl. 12:48
Kristín Soffía Jónsdóttir
Ragnheiður Gunnarsdóttir Arnar Helgi Lárusson
Heiðdís Dögg Eiríksdóttir Lilja Sveinsdóttir
Ragnhildur Guðmundsdóttir Bryndís Snæbjörnsdóttir